יעצט ביינאכט אין ארץ ישראל איז פארגעקומען א היסטארישע באגעגעניש צווישן האחים האדמורי"ם מנדבורנא שליט"א, ווען כ"ק אדמו"ר מנדבורנא ירושלים שליט"א איז אנגעקומען אויף א באזוך בביתו נאוה קודש פון אחיו הגדול כ"ק אדמו"ר מנדבורנא שליט"א, אינעם עיר התורה והחסידות בני ברק, און האבן זיך געטראפן נאך א לאנגע צייט אפשניט פון עטליכע יאר.
דאס קומט נאכדעם וואס אין די לעצטערע חדשים איז שטארק נתרחב געווארן די גבולי הקדושה אין ביידע הויפן, מיטן עפענונג פון א נייע בית המדרש דחסידי נדבורנא אין ירושלים עיה"ק, און די עפענונג פון א נייע בית המדרש דחסידי נדבורנא ירושלים אין בני ברק.
די ברידער האדמורי"ם האבן זיך ווארעם באגריסט און זיך אינטערסירט איינער ביים אנדערן לשלום ולברכה, צום טיפן פרייד פון די חסידים ומעריצים וכל בית ישראל. צום שלוס האבן די ברידער האדמורי"ם זיך געוואונטשן צום נייעם יאר מיט א גמר חתימה טובה און א גוט געבענטשט יאר.
