די מדינת ישראל מיליטערישע באאמטע האבן שוין אנגעהויבן רעדן איבער דעם בעפארשטייענדן יום טוב ל"ג בעוצר, ווען לויט זייער מיינונג ברויך מען פארשליסן גאנץ מירון, צוליב א געפאר פון באמבעס פון די טעראריסטן.
עס איז נישטא קיין שום סיבה פארוואס די מיליטער זאל נישט ווילן פארשליסן מירון אויף ל"ג בעומר, וויבאלד זיי אליינס וועלן דאך זיכער נישט קומען מתפלל זיין ביים ציון הק' פון התנא האלקי רבי שמעון בר יוחאי אין דעם גרויסן טאג, איז פארוואס זאל יענער יא קענען גיין?...
ווי זיי זאגן אצינד, טוען זיי באטראכטן די מעגליכקייט נישט צו ערלויבן די יערליכע גרויסע מעמדים אין טאג פון ל"ג בעומר, וויבאלד די דערפל מירון איז שוין עטליכע מאל געווען א ציל ברעט פאר מיסיל אטאקעס אין לויף פון די לעצטערע חדשים, זייענדיג אין די הויכע צפון געגנטער, און א לופט פארטיידיגונג באזע איז סטאנציאנירט דארט אויפן בארג.
אבער ווי אונז היימישע אידן ווייסן וועט פון די אלע באגרעניצונגען גארנישט בלייבן, אידישע קינדער וועלן בעז"ה קענען מתפלל זיין און זיך פרייען בהילולא דרשב"י ווי יאר יערליך, אונטערן פארטוך פון אונזער ליבע טאטע אויבן אין הימל.
