תושבי קרית טאהש קאנאדע פארזאמלען זיך יעצט מיט געבויגענע קעפ און צובראכענע געמיטער, צו באגלייטן למנוחת עולמים א הייליג צווייגעלע פון די טאהשער דינאסטיע, נפש נקי וצדיק הילד ישעי' משולם פייש כהנא ע"ה, וועלכער איז היינט צופרי נפטר געווארן אין עלטער פון זיבן יאר, נאכן זיך מוטשענען מיט שווערע יסורים דורכאויס זיינע קורצע לעבנס יארן.
דאס קינד איז געווען א זון פון הרב הגאון ר' נחמן כהנא שליט"א מרביץ תורה אין קרית טאהש, א אייניקל פון כ"ק אדמו"ר מספינקא קאנאדע שליט"א, און פון הרה"צ רבי מרדכי סג"ל לאווי זצ"ל, דאפלטע אור אייניקל פון כ"ק אדמו"ר הרה"ק מטאהש זי"ע, נאך וועם ער האט געטראגן דעם הייליגן נאמען "משולם פייש".
די לוויה קומט פאר יעצט נאכמיטאג פיר אזייגער אויפן בית החיים אין קרית טאהש, מיט די באטייליגונג פון פילע אידן וקרובי המשפחה.
