אידן איבער די וועלט זענען מתפלל פאר די רפואה פונעם זקן האדמורי"ם כ"ק אדמו"ר מביאלא שליט"א, וועלכער איז היינט אריינגעפירט געווארן אין שפיטאל נאכן ליידן פון א שווערע לונגען אנטצינדונג, און איז אנגעוויזן אויף רחמי שמים מרובים.
דער ביאלא רבי שליט"א איז ליידער אפגעשוואכט די לעצטע תקופה, ווען כלל חסידי ביאלא זענען פארבעטן געווארן צו דאווענען פארן רבינ'ס געזונט, אבער היינט צופרי נאך א פארערגערונג אין די מצב הבריאות איז דער רבי אריינגעפירט געווארן אין שפיטאל פאר באהאנדלונגען.
א גרויסע עצרת תפילה והתעוררות קומט פאר יעצט ביינאכט ברחבת הכותל המערבי, וואו הונדערטער חסידים קומען זיך צוזאם מתפלל זיין לרפואתו השלימה פונעם רבי'ן, כ"ק מרן הרה"צ רבי בצלאל שמחה מנחם בן ציון בן חנה פעשא לרפואה שלימה.
