אין די יעצטיגע וואכן גייט אן מאסיווע בוי ארבעט אין די בנין פון ביהמ"ד תפלה למשה ד'סאטמאר אין בארא פארק, וואו עס ווערט אהערגעשטעלט א פראכטפולע מקוה טהרה לרווחת ציבור המתפללים, צוצוברענגען פיל הרחבת הדעת פאר די חברי הקהילה מדי יום ביומו ומדי שבת בשבתו.
די בוי ארבעט גייט אן אין פולן שוואונג, און וועט בעז"ה זיין פארטיג אין עטליכע וואכן ארום. פארלאפענעם זונטאג פרשת ויקהל איז פארגעקומען א גאר רייכע מסיבה מיטן נאמען "חיבור לטהור" וואו עס האבן זיך צוזאמגענומען די נגידים ותומכים פון ממלכת סאטמאר אין בארא פארק, צוצולייגן א פלייצע צו פינאנצירן דעם הייליגן פראיעקט מוסיף צו זיין קדושה וטהרה בקרב הקהילה.
ביים מעמד האט אויפגעטרעטן הרה"ג ר' מרדכי יעקב ראזען שליט"א אלס יושב ראש, דער בארימטער מגיד הרה"ג ר' מרדכי שיף שליט"א, און דער פה מפיק מרגליות הגה"צ ר' צבי אלימלך טייטלבוים שליט"א רב הביהמ"ד.
