אין די יעצטיגע טעג האט מען אין א מזל'דיגע שעה אנגעהויבן די העפטיגע בוי ארבעט צו פארענדיגן די נייע דאווענען שטיבלעך, בבנין ביהמ"ד הגדול והחדש אין שיכון סקווירא, וואס האלט שוין נענטער ווי ווייטער צו איר גענצליכער אויפבוי.
מיט עטליכע חדשים צוריק זייענדיג אין קראקא אויף א מסע הקודש אינאיינעם מיט די נדיבים בעם לטובת די קרן הבנין, האט כ"ק אדמו"ר מסקווירא שליט"א אויסגעדרוקט רצון קדשו אז מ'זאל זיך שוין אריינווארפן אין א ספעציעלע פראיעקט צו פארענדיגן די נייע דאווענען שטיבלעך אין די אונטערשטע שטאק פון די נייע בית המדרש, זאגענדיג אז די נויט שרייט ארויס, און מען מוז בליץ שנעל מחנך זיין די נייע דאווענען שטיבלעך.
דעם דינסטאג האט מען אין א מזל'דיגע שעה אנגעהויבן די פאקטישע בוי ארבעט, מיט האפענונג צו פארענדיגן כלול בהדרו די גאנצע אונטערשטע שטאק פונעם בנין ביז געציילטע חדשים. בעזר שמו יתברך.
