א שווערע טראגעדיע האט פאסירט היינט נאכמיטאג אין די רמה ד' געגנט אין בית שמש, ווען א קליין קינד פון צוויי יאר אלט איז פארגעסן געווארן אין א קאר רח"ל, אין די צייט וואס די זון האט געבראטן און די וועטער איז געווען זייער הייס, און שפעטער ווען מ'האט איר געטראפן איז שוין ליידער נישט געווען וואס צו טון ה"י.
דאס קליין מיידעלע ע"ה, א טאכטער פון להבחל"ח ר' אלכסנדר אלקנה אבוטבול הי"ו, איז געווען אין א קאר אויף רחוב ברכיה אין די רמה ד' געגנט, ארום צוויי אזייגער נאכמיטאג האט מען איר געטראפן אין די קאר נישט אין באוואוסטזיין, הצלה וואלאונטירן האבן געארבעט אויף איר מיטן האפענונג איר צו ראטעווען, מען האט איר אפגעפירט צו די שערי צדק שפיטאל אין ירושלים, אבער ליידער איז באשטעטיגט געווארן דאס ארגסטע ה"י.
די לוויה איז פארגעקומען יעצט ביינאכט אין ארץ ישראל, ביי די בית הלוויות שמגר צום הר המנוחות.
