ווי נעכטן באריכטעט איז כ"ק אדמו"ר מסקולען שליט"א געווארן אפגעפירט אין שפיטאל, נאכן זיין ערנסט אפגעשוואכט ל"ע די לעצטערע טעג, מיט א שטארקע פארערגערונג אינעם רבינ'ס מצב הבריאות.
נאכן דורפירן א רייע אונטערזוכונגען האבן די דאקטוירים פעסטגעשטעלט אז דער רבי ליידט פון א דאפלטע לונגען אנטצינדונג רח"ל, דער רבי געפונט זיך אין די איי סי יו אפטיילונג אין די קארנעל שפיטאל און ווערט באהאנדלט דורך א געלונגענע שטאב פון דאקטוירים, אין די צייט וואס כלל ישראל אלוועלטליך טוען מתפלל זיין און איינרייסן רחמי שמים לרפואתו השלימה.
צוליב די פארערגערטע שוועריקייטן אינעם מצב הבריאות וועט היינט פארקומען מערערע עצרת תפילות לרפואתו השלימה במהרה.
יעצט נאכמיטאג קומט פאר אן עצרת תפילה אין ביהמ"ד סקולען אין וויליאמסבורג, בשעה 6:15 וועט פארקומען א מנין תהלים ביים ציון אדמור"י סקולען אין מאנסי, און בשעה 8:00 וועט פארקומען אן עצרת תפילה בבית מדרשו של רבי אין בארא פארק.
