שטייענדיג זעקס און א האלב יאר זינט די הסתלקות פון הרה"ק בעל תורת מרדכי מוויזניץ זי"ע, ווערט געמאלדן אז אנגעהויבן פון היינט וועלן די ברידער האדמורי"ם שליט"א לבית וויזניץ, שוין אננעמען סנדקאות פון די חסידים וואס וואוינען אין אנדערע שטעט.
אין די לעצטע זעקס יאר איז געווען איינגעפירט אז די חסידים האבן מכבד געווען מיט סנדקאות בלויז דער רבי וואס וואוינט אין יענע שטאט, טראץ וואס זיי זענען מקושר צו איינער פון די אנדערע רבי'ס, דאס זעלבע איז געווען מיט בתי מדרשים, ווען אין א שטאט וואו עס וואוינט א וויזניצע רבי, איז נישט געווען קיין באזונדערע בית המדרש פאר די חסידים פון יענע שטאט וואס פארן צו א אנדערע רבי.
אצינד אבער שטייענדיג זעקס יאר שפעטער, האט כ"ק אדמו"ר מוויזניץ שליט"א פון מאנסי געמאלדן פאר די ברידער האדמורי"ם שליט"א, אז אנגעהויבן פון היינט קען מען שוין אננעמען סנדקאות פון אנדערע שטעט, און אזוי אויך קען מען שוין עפענען אייגענע שטיבלעך אין אנדערע שטעט, אין א פרישע שריט צו פארמערן שלום ושלוה צווישן די אלע הויפן, די ברידער האדמורי"ם און די חסידים אינאיינעם.
