מיט גרויס צער ווערט אויפגענומען די שווערע בשורה איבער די פריצייטיגע פטירה פון הגאון הגדול ראש ישיבת רבינו חיים בערלין אין פלעטבוש, הגאון ר' שלמה חי דוד יצחק חליווה זצ"ל, חתנו וממלא מקומו פון הגאון הגדול רבי אהרן שעכטער זצ"ל ראש ישיבת רבינו חיים בערלין, וועלכער איז נפטר געווארן מיט בלויז א יאר צוריק זייענדיג דער זקן ראשי הישיבות בארה"ב.
דער ראש ישיבה הגאון ר' שלמה איז געווען פון די חשובע תלמידים אין ישיבת רבינו חיים בערלין, און איז אויסגעקליבן אלס חתן דורכ'ן ראש ישיבה וועלכער האט געזעהן אין אים א כלי מחזיק ברכה. חודש אלול תשפ"ג נאך די פטירה פון זיין גרויסן שווער איז ער אויפגענומען געווארן אלס ממלא מקום, טראץ וואס ער איז געווען פון ספרד'ישן אפשטאם. ער איז געווען א גאון מופלג בתורה והוראה און אויפגעשטעלט תלמידים, אבער ליידער איז ער אזוי פריצייטיג פארשניטן געווארן רח"ל אין בלויזן עלטער פון זעקס און זעכציג יאר, נאך א קורצע קראנקהייט און זיין שפיטאליזירט פאר עטליכע טעג.
