א שרעקליכע טראגעדיע האט פאסירט די נאכט אין מאנטריאל, ווען א עלף יעריג אינגל איז ליידער טראגיש אומגעקומען רח"ל אין א שווערע עקסידענט.
עס האט פאסירט ביים ווינקל פון פארק עוועניו און בערנארד אין די חסידישע מאנטריאל געגנט, דאס קינד איז אריבער די גאס אין א שווערע רעגנדיגע וועטער, און צוליב די שוואכע זעה קראפט האט א טראק דרייווער וואס האט זיך איינגעדרייט נישט באמערקט דאס קינד אריבערגיין, און ער האט אים אראפגעקלאפט רח"ל. טראץ די פרואוון פון הצלה וואלאונטירן צו ראטעווען דאס קינד איז ליידער באשטעטיגט געווארן אז ער איז נישט בין החיים ה"י.
דאס קינד הילד יעקב אויסטערליץ ע"ה, איז א זון פון הרה"ג ר' יוסף אויסטערליץ שליט"א ראה"כ בעלזא מאנטריאל, ער איז געווען עלף יאר אלט און א תלמיד פון די לאקאלע בעלזא חדר. די לוויה קומט פאר יעצט פארמיטאג צען אזייגער פארנט פון ביהמ"ד בית יעקב דחסידי בעלזא אויף פארק עוועניו אין מאנטריאל, און שפעטער נאכמיטאג וועט פארקומען די לוויה אויפן בית החיים הר שלום אין מאנסי.
