היינט קומט פאר די יערליכע מעמד כבוד התורה לטובת כולל זכרון חיים ד'באבוב, עס קומט פאר אינעם היכל הכולל בבנין ביהמ"ד הגדול באבוב אין בארא פארק, אין שפיץ פון כ"ק אדמו"ר מבאבוב שליט"א, וועלכער וועט פארטיילן די תעודות פאר די רבני הכולל.
היינט קומט פאר א כינוס חיזוק והתעוררות אין קהילה קדושה גור אין ערד, אין שפיץ פון הגה"צ ר' נחמיה אלתר שליט"א בן כ"ק אדמו"ר מגור שליט"א, עס קומט פאר אין היכל פיס תפוח אין ערד.
היינט קומט פאר די יערליכע דינער לטובת ישיבה ומתיבתא תורת חסד אין לאנדאן, אינאיינעם מיט די יארצייט סעודה לרגל די יארצייט פון הגה"צ ר' אברהם שמואל שטערן זצ"ל ראש ישיבת תורת חסד, עס קומט פאר אין זאל פרדס וויזניץ אין לאנדאן, אין שפיץ פון הגה"צ ר' שמואל בנימין קרויס שליט"א נשיא הישיבה.
כ"ק אדמו"ר מראחמיסטריווקא שליט"א פון ספרינג וואלי לאזט זיך היינט ארויס אויף א נסיעה קיין ארץ ישראל, צו באשיינען די שמחת החתונה בבית אחיו הגה"צ ר' לוי טווערסקי שליט"א.
כ"ק אדמו"ר מקרעטשניף ירושלים שליט"א וועלכער האט געוויילט די לעצטע פאר טעג אין אנטווערפן לרגל די שמחת החתונה פון א אייניקל, וועט היינט פארזעצן די נסיעה קיין לאנדאן אויף א באזוך בקרב חסידיו, היינט נאכט קומט פאר א מעמד קבלת פנים בבית האכסניא אין שטוב פון הרב החסיד ר' נפתלי אלימלך שטערן הי"ו.
כ"ק אדמו"ר מסאדיגורא שליט"א קומט היינט אן אויף א ביקור חיזוק בקרב חסידיו אין שטאט לעיקוואד, היינט נאכט קומט פאר א מעמד קבלת פנים לכבודו אין ביהמ"ד סאדיגורא אין לעיקוואד.
כ"ק אדמו"ר מבאסטאן ביתר שליט"א קומט היינט אן אויף א לענגערע באזוך אין ניו יארק בקרב חסידיו, אויפצוטרייבן שטיצע לטובת מוסדותיו הקדושים בארץ הקודש.
היינט קומט פאר די שמחת החתונה פון חתן כלה אייניקלעך פון הגה"צ ר' בנימין לאנדא שליט"א דומ"ץ טאהש ב"פ, די חתן א זון פון זיין איידעם הרב שלמה זלמן עהרנרייך שליט"א ראה"כ נתיבות התלמוד, זון פון הגה"צ אבד"ק שימלויא שליט"א, מיט די כלה א טאכטער פון זיין זון הרב חיים שלמה לאנדא שליט"א, איידעם ביי הגה"צ ר' אברהם עמרם מייזעלס שליט"א אב"ד מיהאלדי. – די שמחת החתונה קומט פאר אין זאל פרדס צבי אין וויליאמסבורג.
אריינצושיקן מודעות און נייעס, שיקט אן אימעיל צו NEWS@JDNMAIL.COM
