היינט קומט פאר די שמחת הבר מצוה פון א אור אייניקל ביי כ"ק אדמו"ר מסאטמאר שליט"א, אייניקל פון זיין איידעם הגה"צ ר' ברוך טייטלבוים שליט"א רב ביהמ"ד ברך משה אין קרית יואל, זון פון הגה"צ אבד"ק וואלאווע שליט"א, א זון פון זיין זון הרב חיים צבי טייטלבוים שליט"א, איידעם ביי הגה"צ ר' זלמן אשכנזי שליט"א אבד"ק אוסטילא. – די שמחה קומט פאר אין סקווירא זאל אין בארא פארק.

שמחת בית ווערדאן: היינט קומט פאר די שמחת החתונה פונעם חתן א זון פון כ"ק אדמו"ר מווערדאן שליט"א פון בארא פארק, איידעם ביי הגה"צ גאב"ד יעמערינג שליט"א, מיט די כלה א טאכטער פון הגה"צ ר' יצחק אייזיק שנעעבאלג שליט"א אבד"ק מאחנובקא בעלזא וויליאמסבורג, זון פון הגה"צ גאב"ד מאנטשעסטער זצ"ל, און איידעם ביי הגה"צ ר' לייבוש טויב זצ"ל מקאלוב. – די שמחת החתונה קומט פאר אין זאל כתר ריזל אין וויליאמסבורג.

היינט קומט פאר די שמחת החתונה פון די כלה יונגסטע קינד ביי הגה"צ גאב"ד קארלסבורג שליט"א, מיט די חתן א זון פון הגה"צ ר' דוד אייכענשטיין שליט"א, זון פון הגה"צ ר' לייבוש אייכענשטיין שליט"א אבד"ק בערטש, און איידעם ביי הגה"צ אבד"ק שטראסבורג שליט"א. – די שמחת החתונה קומט פאר אין זאל תפארת רבקה אין בארא פארק.

היינט קומט פאר די שמחת החתונה פון א אייניקל ביי כ"ק הגה"צ גאב"ד וואודרידזש שליט"א, די חתן א זון פון זיין זון הרב שלמה לעבאוויטש שליט"א, איידעם ביי הגה"צ ר' עקיבא דוד בלום שליט"א, זון פון הגה"ק מקאשוי זי"ע, מיט די כלה א טאכטער פון הרה"ג ר' יהושע יואל מענדלאוויטש שליט"א אב"ד העלישוי בלומינגבורג. – די שמחת החתונה קומט פאר אין זאל כינור דוד אין קרית יואל.

היינט קומט פאר די שמחת החתונה פונעם חתן א זון פון הגה"צ ר' חיים פסח יונגער שליט"א, זון פון הגה"צ ר' יודא אליעזר יונגער שליט"א אב"ד קהל יראים מאנסי, און איידעם ביי כ"ק אדמו"ר מתולעת יעקב זצ"ל, מיט די כלה א טאכטער פון הגה"צ ר' חיים טירנויער שליט"א, זון פון הגה"צ ר' אלימלך טירנויער שליט"א, און איידעם ביי הגה"צ ר' יחיאל וואגשאהל שליט"א אב"ד תפארת משה, אייניקל פון כ"ק אדמו"ר הרה"ק מספינקא זי"ע. – די שמחת החתונה קומט פאר אין זאל פרדס צבי אין וויליאמסבורג.

היינט נאכט י"ט כסלו בליל ההילולא קדישא פונעם גרויסן מגיד פון מעזריטש זי"ע, וועלן די אייניקלעך האדמורי"ם לבית רוזין אפרעכטן די יארצייט טישן ברוב עם הדרך מלך, כ"ק האדמורי"ם מבאיאן, בוהוש, קאפיטשניץ, סאדיגורא, און וואסלוי שליט"א.

היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול באיאן אין ירושלים, לע"נ הרה"ח ר' שלמה אהרן ווערטהיימער ע"ה לאנגיעריגער גבאי אין בית המדרש, אין שפיץ פון כ"ק אדמו"ר מבאיאן שליט"א.

היינט נאכט י"ט כסלו ווערט אפגעצייכנט די חג הגאולה ביי חסידי חב"ד, בו ביום וואס דער הייליגער בעל התניא זי"ע איז באפרייט געווארן פון רוסישע תפיסה. אין אלע צענטערן פון חסידי חב"ד ווערט אפגעראכטן גרויסע מעמדים און התוועדיות לרגל האי יומא רבא.

כ"ק אדמו"ר מבישטינא שליט"א וועט היינט אויפדערנאכט פראווענען א גרויסע מעמד הודאה לרגל י"ט כסלו, בבית מדרשו אין פתח תקוה.

היינט קומט פאר אין קרית יואל די מעמד קבלת פנים לכבודם פון די מנהלי המוסדות על טהרת הקודש בארץ הקודש, וואס זענען אנגעקומען צום גרויסן מסע חינוך הטהור לקראת כ"א כסלו בחצר הקודש סאטמאר, עס קומט פאר אין ביהמ"ד הגדול סאטמאר אין קרית יואל, אין שפיץ פון הגה"צ גאב"ד סאטמאר מאנסי שליט"א.

כ"ק אדמו"ר מאמשינאוו ארה"ב שליט"א וועט היינט אויפדערנאכט אנקומען קיין קרית יואל און איבערגעבן א שמועס לקראת די ימי החנוכה, אין ביהמ"ד צאנז אין קרית יואל.

אריינצושיקן מודעות און נייעס, שיקט אן אימעיל צו NEWS@JDNMAIL.COM