היינט ביום הגדול כ"א כסלו, די אכציגסטע יום הצלה והשחרור פון הרה"ק מסאטמאר זי"ע מגיא צלמות, קומט פאר די ריזן כינוס פאר כלל תלמידי וחסידי סאטמאר אין די גיגאנטישע בארקלעיס סטעדיום אין ברוקלין, במקהלות אלפי חסידים ואנשי מעשה, ובראשם כ"ק אדמו"ר מסאטמאר שליט"א.

היינט קומט פאר די מעמד הנחת אבן הפינה פאר די נייע בנין התלמוד תורה דחסידי סלאנים אין בית שמש, אין שפיץ פון כ"ק אדמו"ר מסלאנים שליט"א.

היינט קומט פאר די שמחת השבע ברכות פון א אייניקל ביי כ"ק אדמו"ר מסאטמאר שליט"א, די חתן א זון פון זיין איידעם הגה"צ ר' שמעון זאב מייזליש שליט"א אב"ד ישמח משה דקהל יטב לב ד'סאטמאר אין קרית יואל, זון פון הגה"צ גאב"ד סיגעיט זצ"ל, מיט די כלה א טאכטער פון הגה"צ ר' יואל האלבערשטאם שליט"א אב"ד בית שמואל דקהל יטב לב ד'סאטמאר אין קרית יואל, זון פון הגה"צ אבד"ק טשאקאווא זצ"ל, און איידעם ביי הגה"צ גאב"ד סאטמאר ב"פ שליט"א. – די שמחת השבע ברכות קומט פאר אין ביהמ"ד בית שמואל דקהל יטב לב ד'סאטמאר אין שכונת דברי חיים קרית יואל.

היינט קומט פאר די שמחת השבע ברכות פון א אייניקל ביי כ"ק אדמו"ר מתולדות אהרן שליט"א, די כלה א טאכטער פון זיין זון הגה"צ ר' מנחם נחום קאהן שליט"א אב"ד תולדות אהרן גבעת ירושלים בית שמש, איידעם ביי זיין פעטער הגה"צ ר' משה קאהן שליט"א ראש ישיבת תולדות אהרן, מיט די חתן א זון פון הרב בנציון הורוויץ שליט"א פון בארא פארק, אייניקל פון אדמור"י בית באבוב און הארנסטייפל זי"ע. – די שמחת השבע ברכות קומט פאר אין היכל ישיבה גדולה תולדות אהרן אין אלעד.

היינט קומט פאר די שמחת השבע ברכות פונעם חתן יונגסטע קינד ביי כ"ק אדמו"ר מביאלא בני ברק שליט"א, מיט די כלה א טאכטער פון הגה"צ ר' יוסף יואל גראס שליט"א אב"ד באר חיים אלעד, זון פון כ"ק אדמו"ר מהאלמין שליט"א, און איידעם ביי הגה"צ אבד"ק ערלוי אלעד שליט"א. – די שמחה קומט פאר אין ביהמ"ד ביאלא ב"ב אויף רחוב אבינדב אין ירושלים עיה"ק, אינאיינעם מיט די מעמד סיום כל התורה כולה וואס איז געלערנט געווארן דורך די חסידים לכבוד די שמחה.

היינט קומט פאר די שמחת החתונה פון חתן כלה אייניקלעך פון הגה"צ ר' ישראל אברהם אלטר לאנדא שליט"א אבד"ק עדעלין קערעסטיר, די חתן א זון פון זיין זון הרב אהרן חיים דוד לאנדא שליט"א, איידעם ביי כ"ק אדמו"ר מתולעת יעקב זצ"ל, מיט די כלה א טאכטער פון זיין זון הרב צבי הירש לאנדא שליט"א, איידעם ביי הגה"צ ר' משה יחזקאל לויפער שליט"א אב"ד זכרון יהודה דזיקוב, אייניקל פון כ"ק אדמו"ר מניקלשבורג שליט"א. – די שמחת החתונה קומט פאר אין זאל תפארת עלקא אין מאנסי.

כ"ק אדמו"ר מטאהש שליט"א וועלכער איז נעכטן ארויסגעפארן אויף א מסע הקודש צו די מקומות הקדושים אין אונגארן, וועט היינט אנקומען קיין קראקא און פוקד זיין דעם ציון הק' פונעם הייליגן תוספות יום טוב זי"ע, שפעטער אין טאג וועט דער רבי אנקומען קיין ליזענסק און פוקד זיין דעם ציון הק' פונעם הייליגן רבי'ן רבי אלימלך זי"ע.

כ"ק אדמו"ר מוויזניץ שליט"א פון מאנטריאל קומט היינט אן קיין בארא פארק, אויפצונעמען דעם ציבור חסידים לקראת די שמחת החתונה פון בתו הכלה קומענדיגן חודש טבת הבעל"ט, בבית האכסניא אין שטוב פון הנגיד החסיד ר' יואל גוטמאן הי"ו.

כ"ק אדמו"ר מדעעש שליט"א וועט היינט אויפדערנאכט אפרעכטן די יארצייט טיש לרגל די יומא דהילולא קדישא פון זקינו הרה"ק בעל כנסת יחזקאל זי"ע, אין דעעשער בית המדרש אויף רחוב רבי טרפון אין בני ברק.

כ"ק אדמו"ר מטעמעשוואר אלעד שליט"א וועט היינט אויפדערנאכט אפרעכטן די יארצייט טיש לרגל די יומא דהילולא קדישא פון אביו כ"ק אדמו"ר מטעמעשוואר ב"פ זצ"ל, בבית מדרשו אין אלעד.

היינט קומט פאר די מעמד הקמת המציבה על קברו פון הגה"צ אבד"ק סאמבור זצ"ל במלאות השלושים לפטירתו, אויפן בית החיים אין קרית יואל.

אריינצושיקן מודעות און נייעס, שיקט אן אימעיל צו NEWS@JDNMAIL.COM