שמחת בית וויזניץ: היינט קומט פאר די שמחת השבע ברכות פונעם חתן א זון ביי הגה"צ ר' יעקב מאסקאוויטש שליט"א אב"ד תורת חמ"ד נייטרא וומס"ב, זון פון הגה"צ ר' יצחק אלעזר מאסקאוויטש שליט"א אדמו"ר משאץ, און איידעם ביי כ"ק אדמו"ר מקאלוב שליט"א, מיט די כלה א טאכטער פון הגה"צ ר' דוד האגער שליט"א, זון פון כ"ק אדמו"ר מוויזניץ שליט"א פון קייאמישע, און איידעם ביי כ"ק אדמו"ר מוויזניץ שליט"א פון וויליאמסבורג. – די שמחת השבע ברכות קומט פאר אין היכל ישיבת אהבת ישראל וויזניץ אין וויליאמסבורג.
שמחת בית קראלי – ברעזאן – זלאטשוב: היינט קומט פאר די שמחת התנאים פון א אייניקל ביי כ"ק אדמו"ר מקראלי שליט"א, די חתן א זון פון זיין איידעם הגה"צ ר' אברהם ברוך פריעדמאן שליט"א, זון פון הגה"צ אבד"ק ברעזאן שליט"א, זון פון הגה"צ אבד"ק אולם שליט"א, און איידעם ביי הגה"צ אבד"ק זאליזשא שליט"א, מיט די כלה א טאכטער פון הגה"צ ר' ישכר דוב בעריש מאסקאוויטש שליט"א דומ"ץ זלאטשוב וומס"ב, זון פון כ"ק אדמו"ר מזלאטשוב שליט"א, און איידעם ביי הגה"צ אבד"ק תולדות אהרן וומס"ב זצ"ל. – די שמחת התנאים קומט פאר אין זאל פרדס צבי אין וויליאמסבורג.
היינט קומט פאר די שמחת הבר מצוה פון א אייניקל ביי כ"ק אדמו"ר מביאלא בית שמש שליט"א, א זון פון זיין זון הרב יחיאל יהושע ראבינאוויטש שליט"א, איידעם ביי כ"ק אדמו"ר מנדבורנא ירושלים שליט"א. – די שמחה קומט פאר אין ביהמ"ד ביאלא אויף רחוב נהר הירדן אין בית שמש.
היינט נאכט כ"ג כסלו געפאלט די יומא דהילולא קדישא פונעם סבא קדישא הרה"ק רבי אלימלך מטאהש זי"ע, נכדו כ"ק אדמו"ר מטאהש שליט"א וועלכער איז אנגעקומען אויף א מסע הקודש צום שטאט טאהש אין אונגארן, וועט היינט אויפדערנאכט אפרעכטן די יארצייט טיש אינעם בנין הכנסת אורחים בנשיאותו פונעם רבי'ן, און דערנאך פוקד זיין דעם ציון הק' בחצות הלילה אינאיינעם מיט פילע חסידים ותלמידי הישיבה. אין אלע טאהשער בתי מדרשים איבער די וועלט וועט פארקומען יארצייט סעודות ברוב עם הדרת מלך.
כ"ק אדמו"ר מוויזניץ שליט"א פון ירושלים לאזט זיך היינט ארויס אויף א נסיעה קיין ארץ ישראל, צו וויילן אויף יום טוב חנוכה בקרב חסידיו ומעריציו בעיה"ק ירושלים.
כ"ק אדמו"ר מוויזניץ שליט"א פון מאנטריאל קומט היינט אן קיין מאנסי, אויפצונעמען דעם ציבור חסידים לקראת די שמחת החתונה פון בתו הכלה קומענדיגן חודש טבת הבעל"ט, בבית האכסניא אין שטוב פון הנגיד החסיד ר' חיים מאיר ציג הי"ו.
אריינצושיקן מודעות און נייעס, שיקט אן אימעיל צו NEWS@JDNMAIL.COM
