אין די צייט וואס הרבנית הצדיקת מראחמיסטריווקא תליט"א, מחברתו הטהורה פון כ"ק אדמו"ר הרה"ק מראחמיסטריווקא זצ"ל, געפונט זיך אין שפיטאל אין א ערנסטע צושטאנד צוליב א שווערע אטעם, ווערט געבעטן פון חצרות הקודש ראחמיסטריווקא מיט א רוף צו די חסידים איבעראל צו דאווענען און מעורר זיין רחמי שמים לרפואתו השלימה פון די הויכגעשעצטע רעבעצין.
די ראחמיסטריווקא רעבעצין אמה של מלכות תליט"א, איז שפיטאליזירט שוין עטליכע טעג מיט א שווערע אטעם, צוליב די שוואכע כוחות איז דא א רעדע צווישן די דאקטוירים ארויפצולייגן די רעבעצין אויף א טרעיק צו פארגרינגערן די אטעם, און אצינד טוט מען מתפלל זיין און מען האפט אז די מצב זאל גיין צום בעסערונג מען זאל נישט דארפן ארויפלייגן אויף מאשינען, און די רעבעצין זאל צוריקקומען צו די כוחות ווי שנעלער. הרבנית מרים בת טראני לרפואה שלימה.
כ"ק אדמו"ר מסקווירא שליט"א וועלכער גרייט זיך ארויסצופארן מארגן דינסטאג אויף א לענגערע נסיעה פון עטליכע וואכן קיין קאליפארניע אויף אפרוה, איז ערווארטעט אנצוקומען אין די קומענדיגע מיטאג שעה'ן אויף א באזוך ביקור חולים ביים עלטערן שוועסטער הרבנית הצדיקת מראחמיסטריווקא תליט"א, אין די מאונט סיני שפיטאל אין מאנהעטן.
