ביי זייער ערשטמאליגע נסיעה קיין ארץ ישראל זענען די אברכים גאונים פון "כולל ש"ס אידן" געשטעלט געווארן פאר א פארהער ביי די גדולי ישראל שליט"א, וועלכע זענען ארויס פון התפעלות פון זייער אויסטערלישע בקיאות און גאונות אין אלע ווינקלען פון ש"ס מיט אלע מפרשים.
חבורתא קדישתא
מרן הגאון הגדול הרב דוב לאנדא שליט״א, ראש ישיבה סלבודקה, בני ברק האט פארגעלייגט פאר די אברכים גאונים א רייע שארפע קשיות פון גאנץ ש״ס, און זיין פנים האט געשיינט מיט א שמייכל פון זייערע פליסיגע ענטפערס. ביים סוף האט ער געטאנצן און געזונגען מיט גרויס התרגשות אינאיינעם מיט די אברכים גאונים. ער האט כסדר איבערגעזאגט ״טוב מאוד״, ״אשריכם, אתם יודעים היטב״
א פייערדיגע פארהער האט נאכגעפאלגט דורך מרן הגאון הרב אליעזר דוד שפירא שליט"א, ראש ישיבה תורה לשמה, בני ברק. וועלכע האט געשטעלט שווערע פראגעס קאנצענטרירט אויף תוספות לענגאויס ש״ס, און דערנאך צוגעלייגט פראגעס פון ירושלמי, מדרשים, טור און שולחן ערוך, און פון ראשונים און אחרונים, און די אברכים גאונים האבן אלעס געענטפערט מיט א געוואלדיגע קלארקייט.
זייענדיג דאס ערשטע מאל ביי א יערליכע פארהער און סיומים אין ארץ ישראל, האט די פלעטבוש חבורה געהאט דעם געלעגנהייט זיך צו באגעגענען מיט די ש״ס אידן פון ארה"ק און לאנדאן, וועון א וואונדערלעכע געפיל פון אחדות האט זיי ארומגענומען, בשעת'ן זיך באגעגענען מיט נאך פילע אברכים גאונים פון איבער דער וועלט וועלכע הארעווען אויף דעם זעלבן שטאפל אין ש״ס און ראשונים לקדש שם שמים מתוך יגיעה. די פלעטבוש חבורה האט זיך ארויסגעוויזן צו זיין גלייך מיט די אנדערע גאוני ש"ס אידן, און געוויזן אז זיי זענען ווערד צו זיין א טייל פוון דעם באזונדערע און אויסדערוועלטע גרופע אין כלל ישראל.
סיום לכבודה של תורה
די סיומים און סעודת מצוה זענען אפגעהאלטן געווארן מיט גרויס פראכט, ווען פילע גדולי תורה האבן זיך באטייליגט אין די ספעציעלע שמחת התורה פון אזויפיל ווי 126 אברכים גאונים, וואס יעדער איינער פון זיי האט מסיים געווען ש״ס פינף מאל אין לעצטן יאר!
צווישן די גדולים וועלכע האבן באשיינט דעם אויבנאן האט זיך געציילט מרן הגה"צ ר' יעקב מאיר שעכטער שליט״א און המשפיע הגה"צ ר' אלימלך בידערמאן שליט״א. דערנעבן איז געזעסן הגאון הרב אריה גינזבערג שליט"א אב"ד חפץ חיים תורה צענטער אין לאנג איילענד, מרן הגאון יצחק שאול קנייבסקי שליט"א, הרבני הנגיד ר' ישראל הלוי מאשקאוויטש הי"ו פטרון פון כולל ש״ס אידן אין לאנדאן.
הגה"צ ר' יעקב מאיר שעכטער שליט"א האט נישט געקענט איינהאלטן זיין גרויסע התרגשות און מיט גרויס התלהבות האט ער זיך אויפגעשטעלט פון זיין פלאץ און אנגעהויבן זינגען און טאנצן לכבוד התורה. ווען דערנאך האט ער געגעבן ווארימע דברי ברכה.
דערנאך האט אויפגעטרעטן המשפיע הגה"צ ר' אלימלך בידערמאן שליט"א האט גערעדט איבער די אומגלויבליכע זכות פון די וואס זענען פארנומען מיט תורה לערנען ווי די ש״ס אידן און די וועלכע שטיצן זיי.
איר קענט זיך פארבינדן מיט כולל ש"ס אידן דורך www.shasyiden.com. אדער דורכן טעל: 718-702-1528 פאסט: 1274 49th Street #562, Brooklyn, NY 11219. לאנדאן: UK Registered Charity # 1191225 - 2 Timberwharf Road, London N16 6DB, England אדער רופט 0208-066-1566
