היינט קומט פאר די מעמד קביעת מזוזה און מסיבת לחיים, לרגל די עפענונג פונעם נייעם בית המדרש נחלת יעקב דקהל יטב לב ד'סאטמאר אין וויליאמסבורג, די מעמד קומט פאר אינעם היכל ביהמ"ד החדש אויף וואלווארט סטריט, אין שפיץ פון כ"ק אדמו"ר מסאטמאר שליט"א.
כ"ק הגה"צ גאב"ד מאקאווא שליט"א לאזט זיך היינט ארויס אויף א געהויבענע מסע הקודש ועידת המייסדים בני היכלא, אינאיינעם מיט די תומכי ומחזיקי המוסדות צו די מקומות הקדושים אין פוילין.
כ"ק אדמו"ר מלוצק שליט"א וועלכער איז די וואך אנגעקומען קיין דעטרויט אויף א באזוך בקרב חסידיו, וועט היינט אנקומען צוגאסט קיין מאנטריאל וואו דער רבי וועט וויילן ביז איבער שבת בקרב חסידיו.
היינט נאכט כ"ד טבת געפאלט די יומא דהילולא קדישא פונעם הייליגן בעל התניא זי"ע, אין אלע בתי מדרשים און צענטערן פון חסידי חב"ד איבער די וועלט, וועלן געפראוועט ווערן יארצייט סעודות לזכרו הטהור.
היינט נאכט כ"ד טבת געפאלט די יומא דהילולא קדישא פון כ"ק אדמו"ר הרה"ק רבי משה מרדכי מלעלוב זי"ע בעל ברכת משה, די קינדער און אייניקלעך כ"ק האדמורי"ם שליט"א לבית לעלוב וועלן אפרעכטן די יארצייט טישן אין די בתי מדרשים, כ"ק אדמו"ר מפינסק קארלין שליט"א וועט אפרעכטן די יארצייט טיש היינט אויפדערנאכט אין ביהמ"ד פינסק קארלין אין ירושלים.
היינט קומט פאר די שמחת השבע ברכות פונעם חתן א זון פון הגה"צ ר' שמואל יעקב מייזעלס שליט"א דומ"ץ ביהמ"ד בית מרדכי לייב דקיט"ל סאטמאר אין קרית יואל, זון פון הגה"צ ר' שלמה אליעזר מייזעלס שליט"א אבד"ק ריטשאוואל, מיט די כלה א טאכטער פון הגה"צ ר' מאיר יחזקאל לעמבערגער שליט"א אבד"ק מאקאווא ב"פ, איידעם ביי הגה"צ אבד"ק זאליזשא שליט"א. – די שמחת השבע ברכות קומט פאר אין סאטמארע בית המדרש בית מרדכי לייב אין קרית יואל, לכבודו פונעם דיין דער אבי החתן.
אריינצושיקן מודעות און נייעס, שיקט אן אימעיל צו NEWS@JDNMAIL.COM
