מטעם מכון דברי תורה סקולען, וואס איז עוסק צו דרוקן און ארויסגעבן די דברי תורה אמרות טהורות פון כ"ק אדמו"ר מסקולען זצ"ל, פון וועמענס הסתלקות מען שטייט נאך אצינד אין די שנת האבילות, איז היינט געמאלדן געווארן אז די נאמען פאר די ספר וואס ווערט ארויסגעגעבן מדברי תורתו פונעם רבי'ן זצ"ל, וועט טראגן דעם נאמען "ישועת יעקב".
די דאזיגע נאמען איז באשטימט געווארן דורך די צוויי ברידער כ"ק מרנן האדמורי"ם שליט"א, קינדער ממשיכי דרכו פונעם רבי'ן זצ"ל, נאך וואס די צוויי ווערטער "ישועת יעקב" איז רומז אויפן רבינ'ס נאמען "ישעי' יעקב", און אזוי אויך שפיגלט עס אפ די עבודת הקודש פונעם רבי'ן זצ"ל צו מעורר זיין ישועות און חסדים פאר אידישע קינדער ברוחניות ובגשמיות.
די ספר "ישועת יעקב" ווערט שוין אצינד צוגעגרייט צום דרוק, נאך וואס אלע דברי תורה וואס דער רבי האט משמיע געווען זינט ער איז נתעלה געווארן בכתר האדמורו"ת, איז שוין געדרוקט געווארן און ערשינען אין די וועכנטליכע גליונות דברי תורה, און אצינד שטייט מען גענוי א יאר צייט זינט דער רבי איז ליידער אריינגעפאלן אין א שווערע מצב, און האט נישט געהאט די מעגליכקייט צו זאגן דברי תורה ברבים.
