שמחת בית באבוב 45: דעם שב"ק קומט פאר די שמחת השבע ברכות פונעם חתן א זון פון הגה"צ ר' פנחס יוסף דאכנער שליט"א, זון פון הגה"צ אבד"ק בערמעהט שליט"א, און איידעם ביי כ"ק אדמו"ר מסטריזוב שליט"א, מיט די כלה א טאכטער פון הגה"צ ר' מאיר יוסף אייכענשטיין שליט"א ראה"כ באבוב 45, זון פון הגה"צ אבד"ק בערטש שליט"א, און איידעם ביי הגה"צ אבד"ק באבוב 45 שליט"א. – די שמחת השבע ברכות קומט פאר אין ביהמ"ד הגדול באבוב 45 אין בארא פארק.
שמחת בית דאראג: דעם שב"ק קומט פאר די שמחת השבע ברכות פון א אייניקל ביי כ"ק אדמו"ר מדאראג שליט"א, די כלה א טאכטער פון זיין יונגסטע זון הרב יהושע אהרן ראזענפעלד שליט"א, איידעם ביי הגה"צ ר' עמרם געשטעטנער שליט"א גאב"ד קרית אגודת ישראל, מיט די חתן א זון פון הרב מנחם מענדיל גרין שליט"א מחשובי חסידי דאראג, איידעם ביי הרה"ג ר' יצחק צבי שפרינצעלעס זצ"ל רב שכונת גבעת רוקח אין בני ברק. – די שמחת השבע ברכות קומט פאר אין ביהמ"ד הגדול דאראג אין בני ברק.
שמחת בית ראחוב – טשאקאווא – ספינקא ירושלים – בערגסאז: דעם שב"ק קומט פאר די שמחת השבע ברכות פונעם חתן א זון פון הגה"צ ר' חיים שמואל געשטעטנער שליט"א אב"ד טשאקאווא בראכפעלד, זון פון כ"ק אדמו"ר מטשאקאווא ירושלים שליט"א, און איידעם ביי כ"ק אדמו"ר מספינקא ירושלים שליט"א, מיט די כלה עלטסטע אייניקל ביי כ"ק אדמו"ר מראחוב שליט"א, א טאכטער פון זיין זון הגה"צ ר' יצחק מרדכי ראזענבוים שליט"א, איידעם ביי כ"ק אדמו"ר מבערגסאז ב"ב שליט"א. – די שמחת השבע ברכות קומט פאר אין ביהמ"ד ראחוב אין רמת גן.
שמחת בית פשעווארסק - בוהוש - שבט הלוי: דעם שב"ק קומט פאר די שמחת האויפרוף פון א אייניקל ביי כ"ק אדמו"ר מפשעווארסק שליט"א, די חתן א זון פון בנו הגדול הגה"צ ר' נפתלי אלימלך לייזער שליט"א אבד"ק פשעווארסק לאנדאן, איידעם ביי הגה"צ ר' שרגא פייוויש שנעעבאלג זצ"ל בעל שרגא המאיר, מיט די כלה א טאכטער פון הגה"צ ר' שלמה זלמן וואזנער שליט"א, זון פון כ"ק אדמו"ר משבט הלוי וגאב"ד זכרון מאיר שליט"א, און איידעם ביי כ"ק אדמו"ר מבוהוש שליט"א. – די שמחת האויפרוף קומט פאר בצל הקודש פונעם זיידן כ"ק אדמו"ר מפשעווארסק שליט"א אין אנטווערפן.
שמחת בית סקאליע: דעם שב"ק קומט פאר די שמחת האויפרוף פון א אייניקל ביי כ"ק אדמו"ר מסקאליע שליט"א, די חתן א זון פון זיין איידעם הגה"צ ר' לייבוש גאלדבערגער שליט"א ראש ישיבת טארניגראד, זון פון הגה"צ אבד"ק ביקאווסק זצ"ל, מיט די כלה א טאכטער פון הרב שלום האלבערשטאם שליט"א, איידעם ביי הגה"צ אבד"ק נאסויד שליט"א. – די שמחת האויפרוף קומט פאר אין סקאליע בית המדרש אין בארא פארק.
שמחת בית תולדות אברהם יצחק – קאלוב: דעם שב"ק קומט פאר די שמחת האויפרוף פון א אייניקל ביי כ"ק אדמו"ר מתולדות אברהם יצחק שליט"א, די חתן א זון פון זיין איידעם הגה"צ ר' אליעזר צבי טויב שליט"א אב"ד קאלוב ביתר, זון פון כ"ק אדמו"ר מקאלוב שליט"א, מיט די כלה א טאכטער פון הרה"ג ר' משה מנחם טויבענפעלד שליט"א, זון פון הגה"צ ר' שמעלקא טויבענפעלד זצ"ל רב דקהל חרדים אין מאנסי. – די שמחת האויפרוף קומט פאר אין ביהמ"ד קאלוב אין ביתר.
שמחת בית קרעטשניף סיגעט – פשעווארסק: דעם שב"ק קומט פאר די שמחת האויפרוף פון א אייניקל ביי כ"ק אדמו"ר מקרעטשניף סיגעט שליט"א, די חתן א זון פון זיין זון הגה"צ ר' יחזקאל שרגא ראזענבוים שליט"א אב"ד קרעטשניף סיגעט וומס"ב, און אייניקל פון הגה"צ ר' מאיר שנעעבאלג שליט"א אב"ד האניפאלי, מיט די כלה א טאכטער פון הרב שמעון שלמה לייזער שליט"א, זון פון הגה"צ ר' שמעלקא לייזער שליט"א, זון פון כ"ק אדמו"ר מפשעווארסק שליט"א. – די שמחת האויפרוף קומט פאר אין ביהמ"ד סאטמאר אברכים זופניק אין וויליאמסבורג.
דעם שב"ק קומט פאר די שמחת האויפרוף פון א אייניקל ביי כ"ק אדמו"ר מצאנז זוועהיל שליט"א, די חתן א זון פון זיין איידעם הרב יעקב ווידער שליט"א, זון פון הגה"צ אבד"ק לינז שליט"א, מיט די כלה א טאכטער פון הרב חיים לייב כ"ץ שליט"א פון לעיקוואד, זון פון הגה"צ אבד"ק תולדות אהרן וויליאמסבורג זצ"ל, און איידעם ביי כ"ק אדמו"ר מנחלת אהרן שליט"א, דאפלטע אור אייניקל פון כ"ק אדמו"ר מתולדות אהרן זצ"ל בעל דברי אמונה. – די שמחת האויפרוף קומט פאר אין ביהמ"ד לינז אין בארא פארק, דער זיידע כ"ק אדמו"ר מצאנז זוועהיל שליט"א איז צוגאסט אויף שבת אין בארא פארק לכבוד די שמחה.
דעם שב"ק קומט פאר די שמחת הברית פון א אייניקל ביי כ"ק אדמו"ר מטאהש שליט"א, בן הבכור ביים רבינ'ס יונגסטע איידעם הרב יהודה יחיאל גרינוואלד שליט"א, אייניקל פון הגה"צ אבד"ק טעטש און אבד"ק מילדוי שליט"א. – די שמחה קומט פאר אין ביהמ"ד הגדול אין קרית טאהש.
דעם שבת קומט פאר די שמחת השלום זכר לבן הנולד ביי הגה"צ ר' משה האגער שליט"א אבד"ק קאסוב וויליאמסבורג, זון פון כ"ק אדמו"ר מקאסוב זצ"ל, און איידעם ביי כ"ק אדמו"ר מגאלאנטא שליט"א. – די שמחה קומט פאר אין ביהמ"ד קאסוב אין וויליאמסבורג.
כ"ק אדמו"ר מסקווירא שליט"א וויילט דעם שבת אין כרמל קאליפארניע אויף אפרוה.
כ"ק אדמו"ר מסאטמאר שליט"א וויילט דעם שבת אין פאלם ספרינגס קאליפארניע אויף אפרוה.
כ"ק אדמו"ר מוויזניץ שליט"א וויילט דעם שבת אין לאס אנדזשעלעס, אינעם קורצן באזוך פונעם רבי'ן לצרכי רפואה.
כ"ק אדמו"ר מבאיאן שליט"א וויילט דעם שבת אין ערד אויף אפרוה.
כ"ק אדמו"ר מפאפא שליט"א וויילט דעם שבת אין נארט מיאמי פלארידע אויף אפרוה.
כ"ק אדמו"ר מתולדות אהרן שליט"א וועלכער האלט זיך אויף אין עיה"ק טבריה אין לויף פון די ימי השובבי"ם, וועט פראווענען דעם שבת בקרב חסידיו אין טבריה.
כ"ק אדמו"ר מוויען שליט"א איז צוגאסט אויף דעם שבת אין די קאנטרי בערג, אויף א שבת התאחדות מיט די תלמידי ישיבה גדולה, מתיבתא נחלת יעקב וויען.
כ"ק אדמו"ר מוויזניץ שליט"א וועלכער איז צוגאסט די טעג בקרב חסידיו אין לאנדאן, וועט פראווענען דעם שבת אויף א פארמאכטע פארנעם, אין שטוב פון הרה"ח ר' ישראל וואלצער הי"ו.
כ"ק הגה"צ גאב"ד מאקאווא שליט"א איז צוגאסט אויף דעם שבת אין שטאט לובלין אין פוילין, אין ראם פון די מסע הקודש בני היכלא מיט די נגידי ותומכי המוסדות.
כ"ק אדמו"ר מסאדיגורא שליט"א איז צוגאסט דעם שבת אין אנטווערפן, בבית חותנו הגה"צ ר' אשר חיים שטערנבוך שליט"א אב"ד אהל יעקב אנטווערפן.
כ"ק אדמו"ר מוויזניץ שליט"א פון ירושלים וויילט דעם שבת אין פאלם ספרינגס קאליפארניע אויף אפרוה.
כ"ק אדמו"ר מתולדות צבי ספינקא שליט"א איז צוגאסט אויף דעם שבת אין לעיקוואד בקרב חסידיו לרגל די ימי השובבי"ם, די תפילות און טישן קומען פאר בבית מדרשו.
כ"ק אדמו"ר מסאסוב שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט פראווענען דעם שבת אין בארא פארק בבית מדרשו.
כ"ק אדמו"ר מלוצק שליט"א וועלכער איז צוגאסט די טעג אין מאנטריאל בקרב חסידיו, וועט פראווענען דעם שבת אין די קאנטרי געגנט נעבן מאנטריאל.
כ"ק אדמו"ר מבישטינא שליט"א פון פתח תקוה איז צוגאסט אויף דעם שבת אין די רמה ד' געגנט אין בית שמש, לרגל די חנוכת הבית פון די נייע בישטינא בית המדרש אין שטאט.
כ"ק אדמו"ר מזידטשויב שליט"א פון בני ברק איז צוגאסט אויף דעם שבת אין בארא פארק, לרגל די שמחת הבר מצוה פון א אייניקל, די תפילות און טישן קומען פאר אין ביהמ"ד אהל יעקב אויף די עלפטע עוועניו.
כ"ק אדמו"ר מבאסטאן שליט"א וועלכער איז צוגאסט די טעג בקרב חסידיו אין ארץ ישראל, וועט פראווענען דעם שבת אין שטאט ביתר בבית מדרשו.
הגה"צ ר' מנחם ארנסטר שליט"א ראש ישיבת וויזניץ איז צוגאסט אויף דעם שבת אין שטאט מאנטשעסטער, לרגל די שמחת הבר מצוה פון א אור אייניקל וואס קומט פאר מוצאי שבת, די תפילות, באטע, און שלש סעודות, קומט פאר אין וויזניצע בית המדרש, בנשיאות בנו הגה"צ ר' חיים מאיר ארנסטר שליט"א אב"ד וויזניץ מאנטשעסטער.
כ"ק גאב"ד יאוואזשנא שליט"א איז צוגאסט אויף דעם שבת אין קרית יואל בקרב חסידיו, די תפילות און טישן קומען פאר אין ביהמ"ד דקהל חרדים דסאטמאר.
הגה"צ גאב"ד קארלסבורג שליט"א איז צוגאסט אויף דעם שבת אין אתרא קדישא מירון.
הגה"צ אבד"ק אמונת ישראל שליט"א וועלכער איז צוגאסט די טעג אויף א ביקור חיזוק בקרב חסידיו ומעריציו בארץ הקודש, וועט פראווענען דעם שבת קודש אין שטאט ביתר עילית, אין ביהמ"ד דקהל אמונת ישראל.
הגה"צ ר' נחמי' אלתר שליט"א בן כ"ק אדמו"ר מגור שליט"א, איז צוגאסט אויף דעם שב"ק בקרב חסידי גור אין בארא פארק, די תפילות, שבת אחים און שלש סעודות, וועט פארקומען אין בית החסידים ד'גור ברכת אליהו.
הגה"צ המשפיע ר' אלימלך בידערמאן שליט"א מלעלוב איז צוגאסט אויף דעם שבת אין אתרא קדישא מירון, אויף א שבת התאחדות מיט די בני החבורה פון שטאט ביתר.
דעם שבת קומט פאר א שבת התאחדות אינערהאלב קהילה קדושה פני מנחם אין אמעריקע, אין שפיץ פון הגה"צ ר' אברהם מרדכי אלתר שליט"א אייניקל פון הרה"ק בעל פני מנחם זי"ע, עס קומט פאר אין די פיין גראוו רעזארט אין מחנה רב טוב ד'סאטמאר אין קערהאנקסאן.
אריינצושיקן מודעות און נייעס, שיקט אן אימעיל צו NEWS@JDNMAIL.COM
