היינט קומט פאר די מעמד כבוד התורה אינערהאלב כולל אברכים ד'באבוב 45 אין בארא פארק, סיום הלכות שבת וואס איז געלערנט געווארן דורך די אברכי ורבני הכולל, אינאיינעם מיט די שמחת השבע ברכות פון די כלה א טאכטער ביים ראש הכולל הגה"צ ר' מאיר יוסף אייכענשטיין שליט"א, איידעם ביי הגה"צ אבד"ק באבוב 45 שליט"א. עס קומט פאר אין די היכל הכולל אויף די ניין און פערציגסטע סטריט אין בארא פארק, אין שפיץ פון כ"ק אדמו"ר מבאבוב 45 שליט"א.
היינט קומט פאר די יערליכע דינער לטובת ישיבה עסק התורה ראחמיסטריווקא, אין די נייע זאל פון מוסדות באבוב ביים ווינקל פון די פערצנטע עוועניו און די איין און פופציגסטע סטריט, אין שפיץ פון כ"ק אדמו"ר מראחמיסטריווקא שליט"א. עס וועט אויפטרעטן כ"ק אדמו"ר מראחמיסטריווקא שליט"א פון וויליאמסבורג, וועלכער איז לאנגע יארן געווען איינגעשטעלט אלס מרביץ תורה און משפיע פאר די בחורי הישיבה.
היינט קומט פאר א גרויסע מעמד פאר חסידי גור אין ניו יארק, זיך צו מחזק זיין קעגן די פגעי הטעכנעלאגיע, עס קומט פאר אין עטרת גאלדא זאל, אין שפיץ פונעם חשובן גאסט הגה"צ ר' נחמי' אלתר שליט"א בן כ"ק אדמו"ר מגור שליט"א.
שמחת בית וויזניץ: היינט קומט פאר די שמחת הבר מצוה פון א אייניקל ביי כ"ק אדמו"ר מוויזניץ שליט"א פון בארא פארק, א זון פון זיין זון הגה"צ ר' נפתלי האגער שליט"א ר"ם בישיבת וויזניץ קייאמישע, איידעם ביי כ"ק אדמו"ר מביקסאד שליט"א, אייניקל פון הגה"צ אבד"ק ראחמיסטריווקא מאנסי שליט"א. – די שמחה קומט פאר אין וויזניצע בית המדרש אין בארא פארק.
היינט קומט פאר די שמחת הבר מצוה פון א אור אייניקל ביי כ"ק אדמו"ר מסקווירא שליט"א, אייניקל פון בנו הגדול הגה"צ ר' אהרן מענדיל טווערסקי שליט"א, א זון פון זיין זון הרב יוחנן פנחס טווערסקי שליט"א, איידעם ביי הגה"צ ר' חיים מאיר ארנסטר שליט"א אב"ד וויזניץ מאנטשעסטער, זון פון הגה"צ ר' מנחם ארנסטר שליט"א ראש ישיבת וויזניץ. – די שמחה קומט פאר אין וויזניצע בית המדרש אין מאנטשעסטער.
שמחת בית דאראג: היינט קומט פאר די שמחת השבע ברכות פון א אייניקל ביי כ"ק אדמו"ר מדאראג שליט"א, די כלה א טאכטער פון זיין יונגסטע זון הרב יהושע אהרן ראזענפעלד שליט"א, איידעם ביי הגה"צ ר' עמרם געשטעטנער שליט"א גאב"ד קרית אגודת ישראל, מיט די חתן א זון פון הרב מנחם מענדיל גרין שליט"א מחשובי חסידי דאראג, איידעם ביי הרה"ג ר' יצחק צבי שפרינצעלעס זצ"ל רב שכונת גבעת רוקח אין בני ברק. – די שמחת השבע ברכות קומט פאר אין ביהמ"ד הגדול דאראג אין בני ברק, קאמבאנירט מיט די מעמד החומש סעודה פאר די ילדי התלמוד תורה דחסידי דאראג אין בני ברק.
שמחת בית פשעווארסק: היינט קומט פאר די שמחת הפארשפיל פון א אייניקל ביי כ"ק אדמו"ר מפשעווארסק שליט"א, די חתן א זון פון בנו הגדול הגה"צ ר' נפתלי אלימלך לייזער שליט"א אבד"ק פשעווארסק לאנדאן, איידעם ביי הגה"צ ר' שרגא פייוויש שנעעבאלג זצ"ל בעל שרגא המאיר, מיט די כלה א טאכטער פון הגה"צ ר' שלמה זלמן וואזנער שליט"א, זון פון כ"ק אדמו"ר משבט הלוי וגאב"ד זכרון מאיר שליט"א, און איידעם ביי כ"ק אדמו"ר מבוהוש שליט"א. – די שמחת הפארשפיל קומט פאר בצל הקודש פונעם זיידן כ"ק אדמו"ר מפשעווארסק שליט"א אין אנטווערפן.
שמחת בית תולדות אברהם יצחק: היינט קומט פאר די שמחת הפארשפיל פון א אייניקל ביי כ"ק אדמו"ר מתולדות אברהם יצחק שליט"א, די חתן א זון פון זיין איידעם הגה"צ ר' אליעזר צבי טויב שליט"א אב"ד קאלוב ביתר, זון פון כ"ק אדמו"ר מקאלוב שליט"א, מיט די כלה א טאכטער פון הרה"ג ר' משה מנחם טויבענפעלד שליט"א, זון פון הגה"צ ר' שמעלקא טויבענפעלד זצ"ל רב דקהל חרדים אין מאנסי. – די שמחת הפארשפיל קומט פאר בביתו נאוה קודש פונעם זיידן כ"ק אדמו"ר מתולדות אברהם יצחק שליט"א אין ירושלים עיה"ק.
כ"ק גאב"ד מאקאווא שליט"א וועלכער איז צוגאסט די טעג אויף א מסע הקודש בני היכלא אינאיינעם מיט די נגידי ותומכי המוסדות, וועט היינט מוצאי שבת אנקומען צום שטאט ליזענסק אויף א תפילת רבים ביים ציון הק' פונעם הייליגן רבי'ן ר' אלימלך זי"ע, דערביי וועט פארקומען א פראכטפולע מלוה מלכה געאייגענט פאר די משתתפי הנסיעה.
היינט קומט פאר די יערליכע מלוה מלכה אין ביהמ"ד אמרי נועם דזיקוב אין מאנסי.
אריינצושיקן מודעות און נייעס, שיקט אן אימעיל צו NEWS@JDNMAIL.COM
