שמחת בית וויזניץ: עס איז געשלאסן געווארן די שידוך פון א אייניקל ביי כ"ק אדמו"ר מוויזניץ שליט"א פון לאנדאן, די חתן א זון פון זיין זון הגה"צ ר' חיים מאיר האגער שליט"א, איידעם ביי כ"ק אדמו"ר מנצח מנחם ספינקא שליט"א, מיט די כלה א טאכטער פון זיין פעטער הגה"צ ר' דוד צבי כהנא שליט"א, זון פון כ"ק אדמו"ר מספינקא לאנדאן זצ"ל, און איידעם ביי הגה"צ אבד"ק ראחמיסטריווקא מאנסי שליט"א.
כ"ק גאב"ד מאקאווא שליט"א וועלכער האט געוויילט איבער שבת אין שטאט לובלין אין פוילין, אויף א מסע הקודש אינאיינעם מיט די נגידי ותומכי המוסדות, וועט היינט פארזעצן די נסיעה קיין ניו יארק צו באשיינען די שמחת החתונה ביי איינער פון די נאנטע מקורבים, די אכסניא וועט זיין אין שטוב פון הנגיד החסיד ר' יודא דוד רובינשטיין הי"ו אין מאנסי.
היינט קומט פאר די יערליכע דינער לטובת כולל חיים ושלום זכרון צבי מונקאטש, עס קומט פאר אין די נייע זאל בבנין מוסדות באבוב, אין שפיץ פון כ"ק אדמו"ר ממונקאטש שליט"א.
היינט קומט פאר א ספעציעלע מעמד תפילת הפרנסה געאייגענט פאר די תומכים ונדיבים פון מוסדות סאסוב, אין שפיץ פון כ"ק אדמו"ר מסאסוב שליט"א וועלכער איז צוגאסט די טעג אין ניו יארק לטובת מוסדותיו הקדושים, עס קומט פאר אין מאנסי אין שטוב פון הרב החסיד ר' ישראל ווייס הי"ו.
היינט קומט פאר אן עצרת חיזוק והתעוררות פאר כלל תושבי וויליאמסבורג, זיך צו מחזק זיין נאך די לעצטע שווערע טראגעדיעס וואס האט באטראפן די שטאטישע איינוואוינער, עס קומט פאר אין אימפעריאל זאל, אין שפיץ פון אדמור"י ורבני העיר.
אריינצושיקן מודעות און נייעס, שיקט אן אימעיל צו NEWS@JDNMAIL.COM
