כ"ק אדמו"ר ממודזיץ שליט"א וועלכער איז ארויסגעפארן אויף א מסע הקודש צו די קברי צדיקים אין פוילין, וועט היינט דורכ'ן טאג פוקד זיין דעם ציון הק' פונעם הייליגן דברי ישראל פון מודזיץ זי"ע אין שטאט ווארשא, דעם ציון הק' פון הרה"ק רבי יחזקאל'ע פון קוזמיר זי"ע, און ביים ציון הק' פונעם הייליגן רבי'ן ר' אלימלך פון ליזענסק זי"ע.
כ"ק אדמו"ר מאלכסנדר שליט"א וועט היינט אויפדערנאכט אפרעכטן די יארצייט טיש לרגל די יומא דהילולא קדישא פון הרה"ק בעל ישמח ישראל מאלכסנדר זי"ע, אין ביהמ"ד הגדול אלכסנדר אויף רחוב אחיעזר אין בני ברק.
כ"ק אדמו"ר מסטריקוב ירושלים שליט"א וועט היינט אויפדערנאכט אפרעכטן די יארצייט טיש לרגל די יומא דהילולא קדישא פון הרה"ק בעל ישמח ישראל מאלכסנדר זי"ע, בבית מדרשו אויף רחוב דוד אין ירושלים.
היינט קומט פאר אין מאנסי די יערליכע דינער לטובת בית חינוך לבנות בנות חנה דחסידי וויען, עס קומט פאר אין די שלעזינגער זאל בבנין התלמוד תורה דחסידי וויען אין מאנסי, אין שפיץ פון כ"ק אדמו"ר מוויען שליט"א נשיא המוסדות.
היינט קומט פאר די שמחת הבר מצוה פון א אייניקל ביי כ"ק אדמו"ר מטשערנאביל שליט"א, א זון פון זיין איידעם הגה"צ ר' שמעי' יודא פיש שליט"א, זון פון כ"ק אדמו"ר מביקסאד שליט"א. – די שמחה קומט פאר אין ניקלשבורג זאל אין מאנסי.
היינט קומט פאר די שמחת החתן מאהל פונעם חתן א זון פון הרב בצלאל יאיר האלפערט שליט"א ראה"כ ערלוי ב"ב, זון פון הגה"צ ר' מאיר האלפערט שליט"א, איידעם ביי כ"ק אדמו"ר בעל אמרי מנחם מאלכסנדר זצ"ל, און איידעם הגה"צ אבד"ק ערלוי ב"ב שליט"א, ביי מיט די כלה א טאכטער פון הרב יהודה דויטש שליט"א, זון פון הגה"צ אבד"ק טריסק ב"ב שליט"א, און איידעם ביי כ"ק אדמו"ר מהארנסטייפל ביתר שליט"א. – די שמחת החתן מאהל קומט פאר אין ביהמ"ד הארנסטייפל אין ביתר.
היינט קומט פאר די שמחת הברית לבן הנולד ביי הרב חיים אליעזר ראזענבוים שליט"א, זון פון כ"ק אדמו"ר מפרימישלאן שליט"א, און איידעם ביי כ"ק אדמו"ר מביאלא בני ברק שליט"א. – די שמחה קומט פאר אינעם בנין הכנסת אורחים אין שטאט פשיסחא, אין שפיץ פון די צוויי זיידעס כ"ק האדמורי"ם מפרימישלאן און ביאלא ב"ב שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
