שמחת בית צאנז זוועהיל: היינט קומט פאר די שמחת החתונה פון א אייניקל ביי כ"ק אדמו"ר מצאנז זוועהיל שליט"א, די חתן א זון פון זיין איידעם הרב יעקב ווידער שליט"א, זון פון הגה"צ אבד"ק לינז שליט"א, מיט די כלה א טאכטער פון הרב חיים לייב כ"ץ שליט"א פון לעיקוואד, זון פון הגה"צ אבד"ק תולדות אהרן וויליאמסבורג זצ"ל, און איידעם ביי כ"ק אדמו"ר מנחלת אהרן שליט"א, דאפלטע אור אייניקל פון כ"ק אדמו"ר מתולדות אהרן זצ"ל בעל דברי אמונה. – די שמחת החתונה קומט פאר אין די פאונטעין באלרום זאל אין לעיקוואד.
היינט קומט פאר די שמחת החתונה פונעם חתן א זון פון הגה"צ ר' יואל טייטלבוים שליט"א, זון פון הגה"צ ר' שמואל טייטלבוים זצ"ל ראה"כ מעוררי השחר, און איידעם ביי כ"ק אדמו"ר מזידטשויב חרדים שליט"א, מיט די כלה א טאכטער פון הגה"צ ר' יואל פילאפף שליט"א, זון פון הגה"צ ר' מנשה פילאפף שליט"א אב"ד מהר"י ט"ב, און איידעם ביי הגה"צ ר' ברוך נתן האלבערשטאם שליט"א אבד"ק סאטמאר לאנדאן, איידעם ביי הגה"צ גאב"ד פאלטישאן שליט"א. – די שמחת החתונה קומט פאר אין פרדס צבי זאל אין וויליאמסבורג.
היינט קומט פאר די שמחת הבר מצוה פון א זון ביי הגה"צ ר' חיים מאיר טווערסקי שליט"א אב"ד אוסטילא מאנסי, זון פון הגה"צ אבד"ק ראחמיסטריווקא מאנסי שליט"א, און איידעם ביי כ"ק אדמו"ר מקאסאני שליט"א. – די שמחה קומט פאר אין זאל בנות ישראל וויזניץ אויף 229 מעיפל אין מאנסי.
היינט קומט פאר אין לעיקוואד די מעמד כבוד התורה, סיום מסכת נזיר במסגרת הלימוד ובהם נהגה דחסידי וויען, מעמד התחלת כתיבת ספר דברים אינעם ספר תורה וואס ווערט געשריבן דורך כלל תלמידי וחסידי וויען לזכותו פון כ"ק אדמו"ר מוויען שליט"א, עס קומט פאר אין זאל עטרת לאה יהודית אין לעיקוואד, אין שפיץ פון כ"ק אדמו"ר מוויען שליט"א וועלכער וועט דערביי אפרעכטן שולחנו הטהור לכבוד ראש חודש.
היינט קומט פאר די יערליכע דינער אהלה של תורה לטובת ישיבת מתיבתא אין לאנדאן, אינאיינעם מיט די יארצייט סעודה פונעם ראש הישיבה הרה"ג ר' אברהם שמואל ראנד זצ"ל, עס קומט פאר אין זאל פרדס וויזניץ אין לאנדאן.
כ"ק אדמו"ר ממודזיץ שליט"א וועלכער איז אנגעקומען אויף א מסע הקודש צו די קברי צדיקים אין פוילין, וועט היינט דורכ'ן טאג פוקד זיין די קברי צדיקים אויפן בית החיים אין שטאט קראקא, און דערנאך ארויספארן צום שטאט אלכסנדר, און פוקד זיין דעם ציון הק' פון הרה"ק בעל ישמח ישראל מאלכסנדר זי"ע בעצם יומא דהילולא קדישא. שפעטער ביינאכט נאכן יארצייט טיש און סעודת ראש חודש, וועט זיך דער רבי שליט"א ארויסלאזן אויפן וועג צוריק אהיים קיין ארץ ישראל.
כ"ק אדמו"ר מאמשינאוו ארה"ב שליט"א לאזט זיך היינט ארויס אויף א מסע הקודש קיין פוילין, לקראת די יומא דהילולא קדישא פון הרה"ק רבי יוסף מאמשינאוו זי"ע וואס געפאלט דעם שבת קודש ג' שבט. אין לויף פון די קומענדיגע טעג וועט דער רבי פוקד זיין די קברי צדיקים אין שטאט אמשינאוו, ווארקא, פשיסחא, ווארשא, ליזענסק, און אניפאלי.
כ"ק אדמו"ר מפינסק קארלין שליט"א וועט היינט ערב ראש חודש שבט אנקומען אויף א תפילת רבים ביים קבר שמואל הנביא אין ירושלים, אינאיינעם מיט הונדערטער חסידים אנשים נשים וטף.
כ"ק אדמו"ר מוויזניץ שליט"א פון מאנטריאל קומט היינט אן צוגאסט קיין באלטימאר מערילענד, וואו דער רבי וועט וויילן די קומענדיגע וואך לטובת מוסדותיו הקדושים, בבית האכסניא אין שטוב פון הרבני הנגיד ר' אלי' מיללער הי"ו, דורכאויס די וואך וועט דער רבי דאווענען שחרית יעדן טאג אין ביהמ"ד מרכז תורה ותפילה, בנשיאות כ"ק אדמו"ר מזידטשויב באלטימאר שליט"א.
היינט נאכט ראש חודש שבט געפאלט די יומא דהילולא קדישא פון הגה"צ המפורסם רבי בנימין ראבינאוויטש זצ"ל ממשכנות הרועים, וחבר ביד"ץ העדה החרדית, די צענטראלע יארצייט סעודה קומט פאר אין שפיץ פון בנו הגדול ממלא מקומו כ"ק אדמו"ר ממשכנות הרועים שליט"א, אין זאל שמחת ירושלים בעיר הקודש ירושלים.
היינט נאכט ראש חודש שבט געפאלט די יומא דהילולא קדישא פון כ"ק אדמו"ר מבאסטאן ואבד"ק חוסט זצ"ל, א יארצייט סעודה קומט פאר בבית מדרשו קהל יראים חוסט אין בארא פארק, בנו כ"ק אדמו"ר מבאסטאן ביתר שליט"א וועט אפרעכטן די יארצייט טיש בבית מדרשו אין ביתר, און דערנאך ארויפגיין צום ציון הק' אויפן הר הזיתים.
היינט קומט פאר אין קרית יואל די מעמד סיום מסכת גיטין וואס איז געלערנט געווארן אין ביהמ"ד קול אליהו דקהל יטב לב ד'סאטמאר, אין ראם פון סדר הלימוד יסודי התורה דחסידי סאטמאר, עס קומט פאר אין ביהמ"ד קול אליהו.
היינט קומט פאר די מעמד הכנסת ספר תורה וואס ווערט אריינגעגעבן צום בערגסאזער בית המדרש אין שטאט אלעד, נדבת הרב החסיד ר' יעקב ישראל כהן הי"ו.
היינט קומט פאר אין אלע סקווירא בתי מדרשים איבער די וועלט, מניני תהלים לרפואתו פון הגה"צ ר' יעקב יוסף טווערסקי שליט"א בן כ"ק אדמו"ר מסקווירא שליט"א, וועלכער גייט היינט אריבער א פאראויס געפלאנטע אפעראציע, הגה"צ ר' יעקב יוסף בן חי' חנה בתוך שאר חולי ישראל.
אריינצושיקן מודעות און נייעס, שיקט אן אימעיל צו NEWS@JDNMAIL.COM
