ווי באקאנט האבן די אינסטאנצן אין גוואטאמאלא אין די לעצטע וואכן זיך גענומען צום פראבלעם פון די 'לב טהור' גרופע וועלכע פלאגט שוין דאס יהדות החרדית פאר לאנגע יארן. וואו די משפחות און קינדער חפים מפשע ליידן זיך נעבעך צוזאם זייענדיג נע ונד מיט א פארצווייפעלטן עתיד.
גדולי ישראל פון פילע שיכטן און קרייזן האבן זיך אין די לעצטע וואכן אריינגעלייגט בעובי הקורה, צווישן זיי הגאון הגדול חיד"ו ווייס שליט"א דומ"ץ סאטמאר אנטווערפן, וועלכע איז פערזענליך אראפגעפארן קיין גוואטאמאלא זיך אומקוקן אויפן שרעקליכן מצב פון די אומשולדיגע קינדערליך און פרובירן אויסארבייטן א מהלך וויאזוי צו ראטעווען זייער עתיד.
כדי מטכס עצה צו זיין וויאזוי זיך פאראויס צו רוקן מיט די שתדלנות אז עס זאל זיין אויסגעהאלטן עפ"י דעת תורה ודעת גדולי ומאורי הדור, איז פארופן געווארן אן אסיפה פון גדולי האדמורי"ם והרבנים שליט"א ותשועה ברוב יועץ און האפענטליך וועט מען ביי די אסיפה ארויסקומען מיט קלארע באשלוסן וואס עס זאל זיין די קומענדיגע שריט פון די עסקנים.
די אסיפה איז באשטימט געווארן אויף מארגן דינסטאג נאכמיטאג, וואו עסקנים און רבנים ובראשם הגאון החיד"ו ווייס שליט"א וועלן אויפטרעטן, און עס וועט פארקומען אין שטוב פון איינע פון די גדולי האדמורי"ם שליט"א.
ווייטערדיגע באריכטן וועלן בעז"ה נאכפאלגן
