נאכפאלגענדיג די היסטארישע יום תפלה ותענית וואס איז פארגעקומען דעם זונטאג בשלח אין עיר הבירה לאנדאן, אין ליכט פון די שווערע גזירת החינוך וואס הויערט אויף די תלמידי הישיבות הקדושות לענגאויס פילע שטעט אין ענגלאנד, ווערט אצינד געמאכט פיבערהאפטיגע הכנות צו ארגענעזירן א גרויסארטיגע עצרת תפלה אין שטאט מאנטשעסטער, וואס איז אויך אריינגערעכנט אונטער די שווערע גזירה זייענדיג א גרויסע שטאט אין ענגלאנד.
די גרויסע עצרת תפלה איז באשטימט געווארן אויף קומענדיגן זונטאג פרשת יתרו י"א שבט, וואו הונדערטער תושבי העיר אין שפיץ פון די אדמורי"ם ורבנים, וועלן זיך צוזאמקומען אין די גרויסע בית יעקב זאל מעורר צו זיין רחמי שמים להצלת החינוך ולביטול רוע הגזירה, די מעמד וועט זיך אנהייבן האלב נאך איינס מיטאג, מיט אמירת תהלים און פייערדיגע דרשות התעוררות.
