שמחת בית תולדות אהרן - קרעטשניף – קוסוב ויזניץ: היינט קומט פאר די שמחת החתונה פון א אייניקל ביי כ"ק אדמו"ר מקרעטשניף שליט"א, די חתן א זון פון זיין זון הגה"צ ר' איתמר ראזענבוים שליט"א אב"ד קרעטשניף ב"ב, איידעם ביי כ"ק אדמו"ר מקוסוב ויזניץ שליט"א, מיט די כלה א טאכטער פון הגה"צ ר' ישראל יוסף קאהן שליט"א בנו הגדול פון כ"ק אדמו"ר מתולדות אהרן שליט"א וראש הכוללים באר יוסף. – די שמחת החתונה קומט פאר אינעם גרויסן זאל היכלי השמחה אין אזור התעשיה הר טוב אין בית שמש.
שמחת בית וויזניץ: היינט קומט פאר די שמחת החתונה פון חתן כלה אייניקלעך פון כ"ק אדמו"ר מוויזניץ שליט"א פון מאנטריאל, די חתן א זון פון בנו הגדול הגה"צ ר' לייבוש האגער שליט"א ראש כולל וויזניץ לאנדאן, איידעם ביי כ"ק אדמו"ר מוויזניץ שליט"א פון לאנדאן, איידעם ביי כ"ק אדמו"ר מקאלוב שליט"א, מיט די כלה א טאכטער פון זיין זון הגה"צ ר' מענדיל האגער שליט"א, איידעם ביי כ"ק הגה"צ אבד"ק ראחמיסטריווקא מאנסי שליט"א. – די שמחת החתונה קומט פאר אין ביהמ"ד הגדול וויזניץ אין מאנסי.
היינט קומט פאר די שמחת החתונה פונעם חתן א זון פון הרב שלום פסח סעקולא שליט"א, זון פון הגה"צ ר' מנחם סעקולא שליט"א אבד"ק נחלת ישראל סאדאוונא, און איידעם ביי הגה"צ אבד"ק פאפא ירושלים שליט"א, מיט די כלה א טאכטער פון כ"ק אדמו"ר מזידטשויב ב"פ שליט"א. - די שמחת החתונה קומט פאר אין כרם מנחם זאל אין בארא פארק.
היינט קומט פאר א מסיבת לחיים לרגל די שידוך שליסן פון די עלטסטע אור אייניקל ביי כ"ק אדמו"ר מסאטמאר שליט"א, עס קומט פאר בהיכל הישיבה הק' מתיבתא תורה ויראה ד'סאטמאר סניף ברך משה אין קרית יואל, אין שפיץ פונעם עלטער זיידן כ"ק אדמו"ר מסאטמאר שליט"א, מיט די באטייליגונג פון אלע תלמידי הישיבות אין קרית יואל.
היינט קומט פאר די שמחת הבר מצוה פון א אייניקל ביי כ"ק אדמו"ר מתולדות אברהם יצחק שליט"א, א זון פון זיין זון הגה"צ ר' יואל קאהן שליט"א רב חסידי תולדות אברהם יצחק אין רמה ד' בית שמש, איידעם ביי הגה"צ ר' שמואל בראנדסדארפער שליט"א חבר ביד"ץ העדה החרדית. – די שמחה קומט פאר אין ביהמ"ד הגדול תולדות אברהם יצחק אין ירושלים.
היינט קומט פאר די שמחת הבר מצוה פון א זון ביי הגה"צ ר' חיים יוסף ליסויער שליט"א אבד"ק קאריץ ב"פ, זון פון הגה"צ ר' אברהם מרדכי ליסויער שליט"א אבד"ק נאנאש ריווערדעיל, און איידעם ביי כ"ק אדמו"ר מקאליש זצ"ל. – די שמחה קומט פאר אין זאל פון ת"ת סקווירא אין בארא פארק.
כ"ק אדמו"ר מבאבוב שליט"א פארט היינט ארויס קיין פלארידע, וואו דער רבי וועט וויילן די קומענדיגע וואכן אויף אפרוה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
