שמחת בית תולדות אברהם יצחק: היינט קומט פאר די שמחת החתונה פון א אייניקל ביי כ"ק אדמו"ר מתולדות אברהם יצחק שליט"א, די חתן א זון פון זיין זון הגה"צ ר' ישראל קאהן שליט"א רב הקהילה אין בארא פארק, מיט די כלה א טאכטער פון זיין שוואגער הגה"צ ר' משה יצחק כהנא שליט"א, זון פון כ"ק אדמו"ר מספינקא מאנטשעסטער שליט"א, חתן כלה אייניקלעך פון הגה"צ ר' דוד שווימער שליט"א דומ"ץ וויזניץ בית שמש. – די שמחת החתונה קומט פאר אינעם גרויסן אודיטוריום אין שטאט ביתר.

היינט קומט פאר די שמחת החתונה פון א אייניקל ביי כ"ק אדמו"ר מנדבורנא חיפה שליט"א, די חתן א זון פון זיין איידעם הגה"צ ר' צבי הירש האראנטשיק שליט"א, זון פון הגה"צ ר' מנחם האראנטשיק שליט"א מלעלוב, מיט די כלה א טאכטער פון הגה"צ ר' יעקב יהושע ענגלענדער שליט"א ראש ישיבת מאחנובקא בעלזא, זון פון הנגיד החסיד ר' אלי'ש ענגלענדער שליט"א, און איידעם ביי הגה"צ ר' משה שמואל שטערן שליט"א אב"ד סטריקוב. – די שמחת החתונה קומט פאר אין זאל היכלי מלכות אין בני ברק.

היינט קומט פאר די שמחת החתונה פונעם חתן א זון פון הגה"צ ר' ישראל שמעון מאיר ראזענבערגער שליט"א, זון פון הגה"צ אבד"ק סוליצא זצ"ל, און איידעם ביי כ"ק אדמו"ר משינאווא זצ"ל, מיט די כלה א טאכטער פון הגה"צ ר' יואל מייזליש שליט"א מנהל ת"ת ראחמיסטריווקא אין מאנסי, זון פון הגה"צ אבד"ק אוהעל וומס"ב שליט"א, און איידעם ביי הגה"צ ר' זלמן לייב טייטלבוים שליט"א מטעטש. – די שמחת החתונה קומט פאר אין זאל תפארת עלקא אין מאנסי.

היינט קומט פאר די שמחת החתונה פונעם חתן א זון פון הגה"צ ר' אלעזר יודא דייטש שליט"א, זון פון הגה"צ ר' יחזקאל דייטש שליט"א אב"ד מקור חיים, און איידעם ביי הגה"צ ר' נתן דוד ראזענבערגער שליט"א אב"ד גמזו ודומ"ץ התאחדות הרבנים, מיט די כלה א טאכטער פון הגה"צ ר' יצחק באב"ד שליט"א, זון פון הגה"צ ר' מרדכי באב"ד שליט"א ראב"ד מכון להוראה, און איידעם ביי כ"ק אדמו"ר מספינקא ירושלים שליט"א. – די שמחת החתונה קומט פאר אין ווילחאוויץ זאל אין מאנסי.

שמחת בית ספינקא: היינט קומט פאר די לעצטע שמחת השבע ברכות פונעם חתן א זון פון הגה"צ ר' יצחק אייזיק כהנא שליט"א, זון פון הגה"צ ר' משה נחמן כהנא זצ"ל מספינקא, און איידעם ביי כ"ק אדמו"ר מראחוב זצ"ל, מיט די כלה א טאכטער פון הגה"צ ר' יודל הורוויץ שליט"א, זון פון כ"ק אדמו"ר מבית יצחק ספינקא שליט"א, און איידעם ביי כ"ק אדמו"ר מזידטשויב ב"ב שליט"א. – די שמחת השבע ברכות קומט פאר היינט פארנאכטס אין ספינקא בית המדרש אויף קיעפ סטריט אין וויליאמסבורג, אינאיינעם מיט די עריכת שולה"ט לכבוד חמשה עשר בשבט.

היינט קומט פאר די שמחת הבר מצוה פון די עלטסטע אייניקל ביי כ"ק אדמו"ר מבאסטאן ביתר שליט"א, א זון פון זיין איידעם הרב מנחם רויטמאן שליט"א, אור אייניקל פון הגה"צ גאב"ד גרויסווארדיין סטעטן איילענד שליט"א. – די שמחה קומט פאר אין ביהמ"ד באסטאן אין ביתר, אינאיינעם מיט די עריכת שולה"ט לכבוד חמשה עשר בשבט.

היינט קומט פאר די שמחת הברית פון א אור אייניקל ביי כ"ק אדמו"ר מטשערנאביל שליט"א, אייניקל ביי בנו הגדול הגה"צ ר' מרדכי טווערסקי שליט"א, איידעם ביי כ"ק אדמו"ר מראחמיסטריווקא זצ"ל, בן הנולד ביי זיין זון הרב דוד טווערסקי שליט"א, איידעם ביי הגה"צ ר' לייבוש האגער שליט"א ראה"כ וויזניץ לאנדאן, זון פון כ"ק אדמו"ר מוויזניץ שליט"א פון מאנטריאל, און איידעם ביי כ"ק אדמו"ר מוויזניץ שליט"א פון לאנדאן, איידעם ביי כ"ק אדמו"ר מקאלוב שליט"א. – די שמחת הברית קומט פאר אין ביהמ"ד טשערנאביל אין לאנדאן, אין שפיץ פונעם זיידן הגה"צ ר' מרדכי טווערסקי שליט"א מטשערנאביל וועלכער איז ארויסגעפארן קיין לאנדאן לכבוד די שמחה.

כ"ק אדמו"ר מקרעטשניף י"ם שליט"א וועלכער האט געוויילט די לעצטע וואך צייט אין ניו יארק לטובת מוסדותיו הקדושים, קערט זיך היינט צוריק למעון קדשו אין ירושלים.

כ"ק אדמו"ר מדעעש שליט"א לאזט זיך היינט ארויס אויפן וועג קיין ניו יארק, צו באשיינען די שמחת החתונה פון א אייניקל וואס קומט פאר מארגן דאנערשטאג אין קרית יואל.

כ"ק אדמו"ר מקאשוי שליט"א קומט היינט אן קיין בארא פארק אויף א ספעציעלע מסיבה לטובת מוסדותיו הקדושים, אינאיינעם מיט די עריכת שולה"ט לכבוד חמשה עשר בשבט, אין שטוב פון הנגיד החסיד ר' מרדכי עוזר בלוי הי"ו.

כ"ק אדמו"ר מאלכסנדר שליט"א וועט היינט פארנאכטס אפרעכטן די יארצייט טיש לרגל די הילולא קדישא פון זקינו הרה"ק רבי יחיאל האדמו"ר הזקן מאלכסנדר זי"ע, אינאיינעם מיט די טיש לכבוד חמשה עשר בשבט, אין ביהמ"ד הגדול אלכסנדר אין בני ברק. דערביי וועט אויך פארקומען די מעמד שמרה נפשי פאר כלל חסידי אלכסנדר, זיך צו מחזק זיין קעגן די  פגעי הטעכנעלאגיע.

אריינצושיקן מודעות און נייעס, שיקט אן אימעיל צו NEWS@JDNMAIL.COM