שמחת בית קארלין סטאלין: היינט קומט פאר די שמחת החתונה פון א אייניקל ביי כ"ק אדמו"ר מקארלין סטאלין שליט"א, די כלה א טאכטער פון זיין איידעם הגה"צ ר' משה וויליגער שליט"א, זון פון הגה"צ ר' לייבל וויליגער שליט"א ר"ם בישיבת תורה ודעת, מיט די חתן א זון פון הרה"ג ר' מרדכי אורי הלוי ענגלמאן שליט"א מח"ס ברית הלוי. – די שמחת החתונה קומט פאר אינעם גרויסן זאל היכלי השמחה אין אזור התעשיה הר טוב אין בית שמש.
שמחת בית וויזניץ: היינט קומט פאר די שמחת הווארט פון א אייניקל ביי כ"ק אדמו"ר מוויזניץ שליט"א פון לאנדאן, די חתן א זון פון זיין זון הגה"צ ר' חיים מאיר האגער שליט"א, איידעם ביי כ"ק אדמו"ר מנצח מנחם ספינקא שליט"א, מיט די כלה א טאכטער פון זיין פעטער הגה"צ ר' דוד צבי כהנא שליט"א, זון פון כ"ק אדמו"ר מספינקא לאנדאן זצ"ל, און איידעם ביי הגה"צ אבד"ק ראחמיסטריווקא מאנסי שליט"א. – די שמחה קומט פאר אין ביהמ"ד הגדול וויזניץ אין מאנסי.
היינט קומט פאר די שמחת החתונה פון א אייניקל ביי כ"ק אדמו"ר מדעעש שליט"א, די חתן עלטסטע זון פון זיין זון הגה"צ ר' ישעי' פאנעט שליט"א, איידעם ביי הגה"צ ר' מנחם מענדיל פאנעט שליט"א, זון פון כ"ק אדמו"ר מדעעש ירושלים זצ"ל, און איידעם ביי הגה"צ אבד"ק פאפא ירושלים שליט"א, מיט די כלה א טאכטער פון הרב בערל מרגליות שליט"א, זון פון הגה"צ ר' אשר מרגליות שליט"א דומ"ץ קהל אהל משה וויען, און איידעם ביי הגה"צ ר' אלישע הורוויץ שליט"א מראחוב. – די שמחת החתונה קומט פאר אין זאל כינור דוד אין קרית יואל.
היינט קומט פאר די סעודת עניים לקראת די שמחת החתונה פון א אור אייניקל ביי כ"ק אדמו"ר מסקווירא שליט"א, וואס קומט פאר קומענדיגע וואך מאנטאג אין שיכון סקווירא, עס קומט פאר אינאיינעם מיט די עריכת שולה"ט לכבוד חמשה עשר בשבט, אין די גרויסע שאטער אין סקווירא שטעטל.
היינט קומט פאר די סעודת עניים לקראת די שמחת החתונה פון די כלה א טאכטער ביי כ"ק אדמו"ר מוויזניץ שליט"א פון בארא פארק, וואס קומט פאר קומענדיגע וואך דינסטאג אין בארא פארק, עס קומט פאר אינאיינעם מיט די עריכת שולה"ט לכבוד חמשה עשר בשבט, אין ביהמ"ד הגדול וויזניץ אין בארא פארק.
היינט קומט פאר די שמחת הבר מצוה פון א אייניקל ביי כ"ק אדמו"ר מלעלוב שליט"א, א זון פון בנו הגדול הגה"צ ר' יואל זושא בידערמאן שליט"א, איידעם ביי הגה"צ אבד"ק מאקאווא אלעד זצ"ל. – די שמחה קומט פאר אינעם היכל הטישן ביי ביהמ"ד לעלוב אין בית שמש.
היינט קומט פאר די שמחת הבר מצוה פון א אייניקל ביי כ"ק אדמו"ר מביאלא רמת אהרן שליט"א, א זון פון זיין איידעם הגה"צ ר' יעקב לייב גאלדמאן שליט"א רב חסידי זוועהיל אין ב"ב, זון פון כ"ק אדמו"ר מזוועהיל זצ"ל. – די שמחה קומט פאר אין ביהמ"ד ביאלא אויף רחוב רוזנהיים אין בני ברק.
היינט קומט פאר א גרויסע כינוס "רצוננו" פאר כלל חסידי צאנז, זיך צו מחזק זיין קעגן די פגעי הטעכנעלאגיע און די נסיונות הזמן, עס קומט פאר ביים טיש לכבוד חמשה עשר בשבט אינעם גרויסן זאל אין קרית צאנז נתני', אין שפיץ פון כ"ק אדמו"ר מצאנז שליט"א.
היינט קומט פאר די מעמד פדיון פטר חמור בחצר הקודש נדבורנא ירושלים, אינאיינעם מיט די עריכת שולה"ט לכבוד חמשה עשר בשבט דורך כ"ק אדמו"ר מנדבורנא ירושלים שליט"א.
היינט קומט פאר אן עצרת תפלה אין ביהמ"ד הגדול אין קרית וויזניץ בני ברק, וואו טויזענטער אידן וועלן זיך צוזאמקומען און אויסזאגן גאנץ תהלים בעפאר די חמשה עשר טיש דורכ'ן רבי'ן, מעורר צו זיין רחמי שמים פארן רבינ'ס געזונט, כ"ק מרן ישראל בן לאה אסתר לרפואה שלימה.
כ"ק אדמו"ר מסאטמאר שליט"א וועלכער איז צוגאסט די טעג אין נארט מיאמי פלארידע אויף אפרוה, וועט היינט נאכמיטאג אפרעכטן שולחנו הטהור לכבוד חמשה עשר בשבט, אין די לאקאלע ביהמ"ד קהל חסידים.
כ"ק אדמו"ר מבאבוב 45 שליט"א פארט היינט ארויס קיין אריזאנע, וואו דער רבי וועט וויילן די קומענדיגע צוויי וואכן אויף אפרוה.
כ"ק אדמו"ר מסקווירא מב"פ שליט"א קומט היינט אן צוגאסט קיין טאראנטא, וואו דער רבי וועט וויילן ביז איבער שבת, בבית האכסניא אין שטוב פון משפחת קאפלאוויטש שיחי'.
היינט נאכט געפאלט די יומא דהילולא קדישא פון כ"ק אדמו"ר הרה"ק רבי אברהם שלמה מלעלוב זצ"ל, בנו כ"ק אדמו"ר מלעלוב שליט"א וועט אפרעכטן די יארצייט טיש היינט אויפדערנאכט בבית מדרשו אויף רחוב צפני' אין ירושלים, און דערנאך ארויפגיין צום ציון הק' אויפן הר הזיתים.
היינט נאכט ט"ז שבט געפאלט די יומא דהילולא קדישא פון הגה"ק דער מהרש"ם פון ברעזאן זי"ע, נכדו הגה"צ אבד"ק ברעזאן שליט"א איז ארויסגעפארן אויף א נסיעה אינאיינעם מיט פילע אידן צו פוקד זיין דעם ציון הק' אין שטאט ברעזאן אין אוקראינע, בעצם יומא דהילולא קדישא.
אריינצושיקן מודעות און נייעס, שיקט אן אימעיל צו NEWS@JDNMAIL.COM