דעם מוצאי שבת כ"ג אדר געפאלט די יומא דהילולא קדישא פון כ"ק הגה"צ גאב"ד קארלסבורג זצ"ל, בנו הגה"צ גאב"ד קארלסבורג שליט"א וועט אפרעכטן די יארצייט סעודה און סיום הש"ס מוצאי שבת קודש אין היכל ביהמ"ד קארלסבורג אין אתרא קדישא מירון, דערנאך וועט פארקומען די מעמד עלי' לציון אויפן ארטיגן בית החיים, אינאיינעם מיט די מעמד הקמת המציבה על קברו פון זיין זון הגה"צ רבי עמרם ראטה זצ"ל אבד"ק האמאראד, וועלכער איז נפטר געווארן פארלאפענעם יו"ט סוכות.
דעם מוצאי שבת וועט כ"ק אדמו"ר מביאלא שליט"א אפרעכטן די יארצייט טיש און סעודת מלוה מלכה, לרגל די יומא דהילולא קדישא פון זקינו הרה"ק בעל דברי בינה מביאלא זי"ע, אין ביהמ"ד הגדול ביאלא אין ירושלים.
היינט קומט פאר די מעמד רצוף אהבה, כינוס בחורי צאנז בארץ הקודש צום שלוס פון די זמן הלימודים, די מעמד קומט פאר אינעם גרויסן זאל היכל ראזענבערג אין קרית צאנז נתני', אין שפיץ פון כ"ק אדמו"ר מצאנז שליט"א.
היינט קומט פאר די יערליכע מלוה מלכה לטובת קופת קמחא דפסחא פון כ"ק אדמו"ר מטשערנאביל שליט"א, עס קומט פאר אין די לוקסור זאל בבנין ישיבה וכולל תפארת אליעזר אין בארא פארק, אין שפיץ פונעם רבי'ן שליט"א.
דעם מוצאי שבת קומט פאר די סיום מסכת מגילה בחצר הקודש קראלי, געלערנט געווארן דורך חבורת תפארת בחורים דחסידי קראלי כהכנה לקראת יו"ט פורים, עס קומט פאר אין די לומינענס זאל אין וויליאמסבורג, אין שפיץ פון כ"ק אדמו"ר מקראלי שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום בנין הכנסת אורחים דער ביאלא הויף אין שטאט פשיסחא, אין שפיץ פון כ"ק אדמו"ר מביאלא בני ברק שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
