כ"ק אדמו"ר מבית שמואל צבי ספינקא שליט"א איז דעם אנהייב נאכט אריינגעפירט געווארן אין שפיטאל נאכן ליידן שווערע יסורים ל"ע, אין לויף פון די נאכט האבן די דאקטוירים דורכגעפירט אן עמערדזשענסי אפעראציע אויפן מאגן, און אצינד טוט זיך דער רבי ערהוילן צווישן די שפיטאל ווענט.
דער רבי שליט"א האט געליטן שווערע יסורים אין לויף פון די טאג, און נעכטן פארנאכטס האט די חברה הצלה אריינגעפירט דעם רבי'ן צו די ען וויי יו שפיטאל פאר באלדיגע אונטערזוכונגען. אינמיטן די נאכט האבן די דאקטוירים באשלאסן דורכצופירן אן עמערדזשענסי אפעראציע צו באהאנדלען א לאך אין די מאגן, און בחסדי ה' איז עס אריבער מיט הצלחה, אין די צייט וואס דער רבי וועט דארפן פארבלייבן נאך עטליכע טעג אין שפיטאל פאר באהאנדלונגען און אבזערוואציעס.
אידישע קינדער זענען מתפלל לרפואתו השלימה, כ"ק מרן יוסף מאיר בן בלומא שרה בתוך שאר חולי ישראל.
