לקראת די יומא דהילולא קדישא פון כ"ק אדמו"ר הרה"ק בעל תורת מרדכי מוויזניץ זצ"ל וואס געפאלט דעם שבת קודש כ"ט אדר, וועט נכדו כ"ק אדמו"ר מראחמיסטריווקא שליט"א פון וויליאמסבורג אויפטרעטן מיט א שמועס היינט אויפדערנאכט אין ביהמ"ד הגדול וויזניץ אין וויליאמסבורג, אזוי אויך וועט אויפטרעטן הרב החסיד ר' אברהם בנימין ווערצבערגער הי"ו משב"ק ביי הרה"ק מוויזניץ זצ"ל.

היינט קומט פאר די יערליכע מסיבה "מעלין בקודש" לטובת תלמוד תורה קדושת מרדכי וויזניץ אין לאנדאן, אין די עדן זאל אין לאנדאן.

כ"ק אדמו"ר מוויזניץ שליט"א פון בית שמש וועלכער איז אנגעקומען צוגאסט קיין ניו יארק, לקראת די יומא דהילולא קדישא פון אביו הרה"ק מוויזניץ זצ"ל, וועט היינט ארויספארן אויף א בליץ נסיעה קיין לאס אנדזשעלעס, אויף ביקור חולים ביים שווער כ"ק אדמו"ר מוויזניץ שליט"א.

היינט קומט פאר די מעמד קביעת מזוזה און חנוכת הבית פאר די נייע שמחה זאלן באר יצחק אין רמת וויזניץ חיפה, אין שפיץ פון כ"ק אדמו"ר מסערט וויזניץ שליט"א.

היינט קומט פאר די שמחת הבר מצוה פון א אייניקל ביי כ"ק אדמו"ר מזוטשקא שליט"א, איידעם ביי כ"ק אדמו"ר משאץ שליט"א פון בני ברק, א זון פון זיין זון הרב שמעון יחיאל מיכל ראזענבוים שליט"א, איידעם ביי כ"ק אדמו"ר מזוועהיל זצ"ל. – די שמחה קומט פאר אין ביהמ"ד הגדול זוועהיל אין ירושלים.

אריינצושיקן מודעות און נייעס, שיקט אן אימעיל צו NEWS@JDNMAIL.COM