לרגל די יומא דהילולא קדישא פון כ"ק אדמו"ר הרה"ק בעל תורת מרדכי מוויזניץ זי"ע וואס געפאלט בעצם יום השבת קודש כ"ט אדר, וועלן די קינדער כ"ק מרנן האדמורי"ם מוויזניץ שליט"א פון מאנסי, קייאמישע, וויליאמסבורג, ירושלים, מאנטריאל, בית שמש, און בארא פארק, פראווענען א גרויסע שבת בצוותא חדא בבית מדרשו פונעם בעל ההילולא, ביהמ"ד הגדול אין שיכון וויזניץ אין מאנסי, מיט די באטייליגונג פון פילע חסידים פון נאנט און ווייט.
דעם שבת קומט פאר די גרויסע שבת הקהילה פאר כלל תלמידי וחסידי וויען, אין שפיץ פון כ"ק אדמו"ר מוויען שליט"א, עס קומט פאר אין די ארמון האטעל אין סטעמפארד קאנעקטיקוט. כ"ק אדמו"ר מסלאנים שליט"א איז צוגאסט אויף דעם שבת אין שטאט אשדוד בקרב חסידיו, די תפילות און טישן קומען פאר אין די זאל פון גערער סעמינאר אין די זיבעטע קווארטל.
כ"ק אדמו"ר מלעלוב שליט"א וויילט דעם שבת אין עיה"ק צפת אויף אפרוה.
כ"ק אדמו"ר מערלוי שליט"א וויילט דעם שבת אין עיה"ק צפת אויף אפרוה.
כ"ק אדמו"ר מלעלוב ניקלשבורג שליט"א איז צוגאסט אויף דעם שבת אין אתרא קדישא מירון.
כ"ק אדמו"ר ממבקשי אמונה שליט"א איז צוגאסט אויף דעם שבת אין אתרא קדישא מירון.
כ"ק אדמו"ר מחוג חתם סופר שליט"א איז צוגאסט אויף דעם שבת אין שטאט אלעד, לרגל די שמחת הבר מצוה פון א אייניקל, די תפילות און טישן קומען פאר בבית מדרשו קהל חוג חתם סופר אויף רחוב ברטנורא.
הגה"צ המשפיע ר' יצחק משה ערלאנגער שליט"א איז צוגאסט אויף דעם שבת אין בני ברק לרגל א משפחה שמחה, די תפילות און סעודות שבת קודש וועט פארקומען אין די גרויסע היכלי מלכות זאל, און שלש סעודות אין ביהמ"ד אש קודש.
המשפיע הגה"צ ר' שמעון שפיטצער שליט"א וועט דעם שבת פראווענען א גרויסע שבת התאחדות מיט כלל תלמידיו ומעריציו ושומעי לקחו אין ענגלאנד, אין די פראכטפולע מעקדאנאלד באטלי פארק האטעל אין סאוטהעמפטאן נעבן לאנדאן.
אריינצושיקן מודעות און נייעס, שיקט אן אימעיל צו NEWS@JDNMAIL.COM
