א שיינע מעמד התמנות איז פארגעקומען נעכטן אויפדערנאכט בביתו נאוה קודש פון כ"ק אדמו"ר מסאטמאר שליט"א אין קרית יואל, ווען דער רבי האט אויפגענומען זיין אייניקל הגה"צ ר' חיים יעקב רוקח שליט"א, לשרת בקודש צו דינען אלס רב ואב"ד אין ביהמ"ד קול אליהו דקהל יטב לב ד'סאטמאר אין קרית יואל.
דער רב שליט"א איז א זון פון הגה"צ ר' יואל רוקח שליט"א אבד"ק קאזלאוו מאנסי, איידעם ביי הגה"צ אבד"ק טערצאל שליט"א, און איידעם ביים רבינ'ס איידעם הגה"צ ר' שמעון זאב מייזליש שליט"א רב ביהמ"ד ישמח משה אין קרית יואל.
אין די לעצטע פאר יאר האט געדינט אלס רב אין ביהמ"ד דער יונגסטער איידעם פונעם רבי'ן הגה"צ ר' יוסף רוקח שליט"א, און נאך וואס ער איז לעצטנס געווארן אויפגענומען אלס רב ואב"ד אין די נייע ביהמ"ד חיים יעקב דקהל יטב לב ד'סאטמאר אין די נייע עיקערס ענקלעיוו געגנט אין קרית יואל, האט מען אויפגענומען זיין יונגערע ברודער וועלכער איז אויך א איידעם אינעם רבינ'ס משפחה, צו דינען אלס דער נייער רב אין די קהילה.
ביים מעמד התמנות האט דער רבי שליט"א געוואונטשן לחיים פאר דער נייער רב און די חברי הקהילה, און מען האט געהערט א דרשה פון הרב החסיד ר' דוד עקשטיין הי"ו פרעזידענט דקהל יטב לב.
