לרגל די יומא דהילולא קדישא פון כ"ק אדמו"ר הרה"ק בעל תורת מרדכי מוויזניץ זי"ע וואס איז אויסגעפאלן דעם שבת קודש כ"ט אדר, וועלן די קינדער כ"ק מרנן האדמורי"ם מוויזניץ שליט"א פון מאנסי, ירושלים, מאנטריאל, און בית שמש, אפרעכטן די יארצייט טיש אינאיינעם אין ביהמ"ד הגדול וויזניץ אין מאנסי. כ"ק מרנן האדמורי"ם מוויזניץ שליט"א פון קייאמישע, וויליאמסבורג, און לאנדאן, וועלן אפרעכטן די יארצייט טישן אין זייערע בתי מדרשים.
היינט קומט פאר די גרויסע מעמד סיום כתיבת האותיות בחצר הקודש וויען, לקראת די מעמד הכנסת ספר תורה לכבודו פון כ"ק אדמו"ר מוויען שליט"א וואס קומט פאר מארגן זונטאג ראש חודש ניסן, עס קומט פאר אינעם ארמון האטעל אין קאנעקטיקוט, נאכפאלגענדיג די גרויסע שבת הקהילה פאר כלל תלמידי וחסידי וויען.
היינט קומט פאר א גרויסע מעמד כינוס היסוד פארן איחוד קהילות תולדות יעקב יוסף דחסידי סקווירא אין בארא פארק, לאור קריאת הקודש פונעם רבי'ן אז אלע חסידים אין יעדע שטאט זאלן זיך צוזאמקומען אויף כינוסי חיזוק, די מעמד קומט פאר אין זאל פון אנשי ספרד אין בארא פארק, אין שפיץ פונעם רבינ'ס זון הגה"צ ר' אהרן מענדיל טווערסקי שליט"א, אלס נואם הכבוד וועט אויפטרעטן הגה"צ ר' מאיר צוויבל שליט"א רב ביהמ"ד קדושת יו"ט ד'סאטמאר וומס"ב.
אריינצושיקן מודעות און נייעס, שיקט אן אימעיל צו NEWS@JDNMAIL.COM
