דעם שבת איז נפטר געווארן איינער פון די חשובע ראשי הישיבות בעיר התורה והחסידות מאנסי, הרב הגאון ר' משה גדלי' שוואב זצ"ל ראש ישיבת דגל התורה און מתיבתא מאמר מרדכי, וועלכער האט לאנגע יארן מרביץ תורה געווען און אויפגעשטעלט תלמידים נאמנים.
צווישן די ישיבה ווענט ביים בנין הישיבה אויף מעיפל עוועניו ביים ווינקל פון יוניאן, האט הגאון ר' משה גדלי' פארגעלערנט טיפזיניגע שיעורים און מדריך געווען זיינע תלמידים לתורה ויראת שמים. ער איז געווען א זון פון הגאון ר' מרדכי מנחם שוואב זצ"ל משגיח אין מתיבתא בית שרגא אין מאנסי.
די לעצטע פאר יאר איז ער ליידער נישט געזונט געווען, ער האט געליטן פון די ביטערע מחלה ה"י אויף א שווערע פארנעם, און דעם שבת איז ער נפטר געווארן אין עלטער פון 76 יאר, צום טיפן צער און ווייטאג פון אלע באקאנטע און תלמידים איבער די וועלט. די לוויה קומט פאר יעצט מיטאג בהיכל ישיבתו אין מאנסי.
