שמחת בית סאטמאר: עס איז געשלאסן געווארן די שידוך פון א אייניקל ביי כ"ק אדמו"ר מסאטמאר שליט"א, די חתן א זון פון זיין איידעם הגה"צ ר' אלטר יעקב יצחק גלאנץ שליט"א, זון פון הגה"צ אבד"ק סאדילקוב שליט"א, מיט די כלה א טאכטער פון הגה"צ ר' יוסף מייזליש שליט"א מח"ס עבודת הצדיקים, זון פון הגה"צ ר' בעריש מייזליש שליט"א מווייטצען לאנדאן, און איידעם ביי כ"ק אדמו"ר מאלעסק זצ"ל.

היינט ט' ניסן געפאלט די יומא דהילולא קדישא פון כ"ק אדמו"ר הרה"ק בעל אמרי חיים מוויזניץ זי"ע, פילע אידן גייען ארויף צום ציון הק' אויפן וויזניצע בית החיים אין בני ברק, די אייניקלעך כ"ק האדמורי"ם מוויזניץ שליט"א פון חוץ לארץ וועלן אפרעכטן די יארצייט טישן ברוב עם אין די בתי מדרשים היינט פארנאכטס.

היינט נאכט י' ניסן געפאלט די פיפטע הילולא קדישא פון כ"ק אדמו"ר מנאוואמינסק זצ"ל, די סעודת הילולא און סיום ששה סדרי משנה קומט פאר אין זאל תפארת בית יעקב אין לעיקוואד, אין שפיץ פון די קינדער כ"ק האדמורי"ם מנאוואמינסק שליט"א.

הגה"צ ר' יוסף ברייאר שליט"א בנו הגדול פון כ"ק אדמו"ר מבאיאן שליט"א, וועט היינט אנקומען קיין אתרא קדישא מירון אויף א תפילות רבים ביים ציון הק' פון התנא האלקי רבי שמעון בר יוחאי, אינאיינעם מיט די הונדערטער בחורי הישיבות דחסידי באיאן בארץ הקודש.

די קינדער פון הגאון הגדול רבי נתן געשטעטנער זצ"ל בעל להורות נתן וראש ישיבת פנים מאירות, זיצן שבעה די טעג צו די פטירה פון זייער ברודער הרב הגאון ר' יחיאל מיכל געשטעטנער זצ"ל, וועלכער איז ל"ע פלוצלינג נפטר געווארן דעם מוצאי שבת אין עלטער פון זיבן און זעכציג יאר. עס זיצן שבעה די בני המשפחה אין זיין שטוב אין בני ברק, די קינדער פונעם נפטר און די ברידער, צווישן זיי כ"ק אדמו"ר מטשאקאווא שליט"א, און הגה"צ ר' עמרם געשטעטנער שליט"א גאב"ד קרית אגודת ישראל.

אריינצושיקן מודעות און נייעס, שיקט אן אימעיל צו NEWS@JDNMAIL.COM