א שרעקליכע טראגעדיע האט פאסירט היינט אין די קעטסקיל בערג, ווען א קליין קינד איז ליידער טראגיש אומגעקומען רח"ל אין א קאר עקסידענט, נישט ווייט פון די באקאנטע ישיבה גדולה זכרון משה אויף לאורעל פארק אין סאוט פאולסבורג.
די עקסידענט האט פאסירט אויף עסטעיט דרייוו, וואס געפונט זיך ממש נעבן די ישיבה גדולה, די צוויי יעריג קינד איז אראפגעקלאפט געווארן דורך א פארבייפארנדע קאר, און טראץ די פרואוון פון חברה הצלה איז ליידער באשטעטיגט געווארן אז דאס ארגסטע האט פאסירט.
דאס קינד הילד יעקב ישראל יורקאנסקי ע"ה, איז א אייניקל פונעם ראש ישיבה הגאון הגדול רבי אליהו בער וואכטפויגל שליט"א ראש ישיבת סאוט פאולסבורג, זיין פאטער הרה"ג ר' ראובן יורקאנסקי שליט"א איז אן אייניקל פון הגאון הגדול רבי אהרן קאטלער זצ"ל מייסד וראש ישיבת בית מדרש גבוה ד'לעיקוואד, וועלכער איז געווען אן איידעם ביים גאון מפורסם רבי איסר זלמן מעלצער זצ"ל בעל אבן האזל.
די לוויה וועט פארקומען היינט נאכמיטאג ביים ישיבה גדולה זכרון משה אין סאוט פאולסבורג, און דערנאך אויפן בית החיים הר שלום אין מאנסי.
