א שוידערליכע עקסידענט האט פאסירט נעכטן מוצאי שבת קודש פארן זמן, ווען א שיכור'ע דרייווער האט אראפגעקלאפט עטליכע אידן אויף א שווערע פארנעם, ביי די קענעדי פארק אויף אלד נייעק טורנפייק אין מאנסי, ביים ווינקל פון קענעדי דרייוו און זאכארי קאורט.
די אנגעטרוקענע דרייווער איז אריינגעפארן אין די פארקינג לאט פון די פארק ווילדערהייט, און אראפגעקלאפט עטליכע פוסגייער, צוויי זענען אפגעפירט געווארן אין שפיטאל מיט קריטישע וואונדן, און נאך צוויי מיט מער מעסיגע וואונדן.
ליידער הערט מען היינט אז א קליין מיידל פון פיר יאר אלט איז נפטר געווארן פון די וואונדן, הילדה גאלדא ע"ה טאכטער פונעם באקאנטן עסקן און ספרינג וואלי ווילעדזש טראסטי ר' ישראל אייזענבאך הי"ו. די לוויה קומט פאר יעצט 12:30 מיטאג אויפן בית החיים אין שיכון סקווירא.
אין די זעלבע צייט איז כלל ישראל מתפלל פאר די אנדערע פארוואונדעטע, ברוך אברהם ישראל בן חוה יוטא, חיים יהודה בן אסתר קריינדל, און אפרים יוסף בן אסתר קריינדל, בתוך שאר חולי ישראל.
שנשמע ונתבשר בשורות טובות.
