שמחת בית בעלזא: היינט קומט פאר די צענטראלע שמחת השבע ברכות פון א אייניקל ביי כ"ק אדמו"ר מבעלזא שליט"א, די כלה א טאכטער פון בנו יחידו הגה"צ ר' אהרן מרדכי רוקח שליט"א, איידעם ביי כ"ק הגה"צ גאב"ד מאקאווא שליט"א, מיט די חתן א זון פון הרה"ג ר' אהרן פענסטער שליט"א ר"ם בישיבת בעלזא אין בני ברק. – די שמחת השבע ברכות קומט פאר אין ביהמ"ד הגדול אין קרית בעלזא ירושלים.
שמחת בית פאפא: היינט קומט פאר די צענטראלע שמחת השבע ברכות פון א אייניקל ביי כ"ק אדמו"ר מפאפא שליט"א, די חתן א זון פון בנו הגדול הגה"צ ר' מאיר גרינוואלד שליט"א דומ"ץ פאפא, איידעם ביי הגה"צ ר' לייבוש טויב זצ"ל מקאלוב. מיט די כלה א טאכטער פון הגה"צ ר' לייבוש טייטלבוים זצ"ל הי"ד, זון פון הגה"צ אבד"ק וואלאווע שליט"א, און איידעם ביי כ"ק אדמו"ר מתולדות אברהם יצחק שליט"א. – די שמחת השבע ברכות קומט פאר אין ביהמ"ד הגדול פאפא אין וויליאמסבורג.
היינט קומט פאר די שמחת הבר מצוה פון א אור אייניקל ביי כ"ק אדמו"ר מוויזניץ שליט"א פון מאנסי, אייניקל פון זיין זון הגה"צ ר' דוד דוב האגער שליט"א, איידעם ביי כ"ק אדמו"ר משאץ זצ"ל, א זון פון זיין זון הרב וועלוויל האגער שליט"א, איידעם ביי כ"ק אדמו"ר מסערט וויזניץ ארה"ב שליט"א. – די שמחה קומט פאר אין ביהמ"ד הגדול וויזניץ אין מאנסי.
היינט קומט פאר די שמחת הבר מצוה פון א אייניקל ביי הגה"צ המשפיע ר' אלימלך בידערמאן שליט"א מלעלוב, איידעם ביי כ"ק אדמו"ר מזוטשקא זצ"ל, הבחור הבר מצוה א זון פון זיין איידעם הרב משה יודא לייב ראבינאוויטש שליט"א, זון פון כ"ק אדמו"ר מביאלא רמת אהרן שליט"א. – די שמחה קומט פאר אין זאל בית מלכה אין בני ברק.
היינט געפאלט די יומא דהילולא קדישא פון הגה"ק מגאלאנטא זי"ע בעל אור פני יהושע, די יארצייט סעודה און סיום ששה סדרי משנה קומט פאר אין גאלאנטא בית המדרש אין וויליאמסבורג, אינאיינעם מיט די סעודת עניים לקראת די שמחת החתונה פון א אייניקל ביי כ"ק אדמו"ר מגאלאנטא שליט"א.
כ"ק אדמו"ר מסקווירא שליט"א לאזט זיך היינט ארויס אויפן וועג קיין קאליפארניע, וואו דער רבי וועט זיך אויפהאלטן די קומענדיגע דריי וואכן אויף אפרוה.
כ"ק אדמו"ר מטאהש שליט"א לאזט זיך היינט ארויס אויף א מסע הקודש צום שטאט טאהש אין אונגארן, לקראת די יומא דהילולא קדישא פונעם זיידן הרה"ק רבי משולם פייש השרף מטאהש זי"ע, דער רבי פארט אינאיינעם מיט א גרויסע ציבור חסידים, מיט א טשארטער פליגער פון די אלבאני לופטפעלד אין ניו יארק.
כ"ק אדמו"ר ממונקאטש שליט"א קומט היינט אן אויף א געהויבענע באזוך אין שטאט קליוולאנד, צו אויפטרעטן אלס אורח הכבוד ביי די גרויסארטיגע דינער יובל מאה וחמישים לטובת די בארימטע טעלזער ישיבה אין קליוולאנד, וואו דער רבי שליט"א האט געלערנט אלס בחור.
היינט קומט פאר די גרויסע מעמד כבוד התורה, סיום מסכת בכורות במסגרת הלימוד זכרו דחסידי סאטמאר, עס קומט פאר אין די הייטנער זאל אין בארא פארק, אין שפיץ פון כ"ק אדמו"ר מסאטמאר שליט"א.
היינט קומט פאר די מעמד כבוד התורה תשית לראשם פאר די רבני כולל ראחמיסטריווקא וואס ווערן געקרוינט בכתר ההוראה, עס קומט פאר אין די ליפשיץ זאל אין בארא פארק, אין שפיץ פון כ"ק אדמו"ר מראחמיסטריווקא שליט"א.
היינט קומט פאר די מעמד החומש סעודה פאר די ילדי כתה א' אין תלמוד תורה פאפא מאנסי, אין ביהמ"ד הגדול דחסידי פאפא אין מאנסי, אין שפיץ פון כ"ק אדמו"ר מפאפא שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד צאנז קלויזענבורג אין מאנסי, נדבת הגה"צ ר' פנחס ווידער שליט"א אבד"ק לינז, ובנו הגה"צ ר' ישכר דוב ווידער שליט"א דומ"ץ צאנז קלויזענבורג מאנסי, אין שפיץ פון כ"ק אדמו"ר מצאנז קלויזענבורג שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום נייעם בנין ישיבה לצעירים ד'סאטמאר אין וויליאמסבורג, נדבת הנגיד החסיד ר' אברהם בראך הי"ו ראש הנהלת הישיבה ופטרון הישיבה, אין שפיץ פון כ"ק אדמו"ר מסאטמאר שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
