כ"ק אדמו"ר מטאהש שליט"א קומט היינט אן אויף א געהויבענע באזוך אין שטאט טאהש אין אונגארן, לרגל די יומא דהילולא קדישא פונעם זיידן הרה"ק רבי משולם פייש השרף מטאהש זי"ע, אינאיינעם מיט הונדערטער חסידים פון איבער די וועלט. היינט נאכמיטאג וועט פארקומען די מעמד הכנסת ספר תורה לזכר נשמתו פון הרה"ק מטאהש זי"ע, געשריבן דורך די לעגענדארע משמשים בקודש ביים רבי'ן זצ"ל און להבחל"ח ביים רבי'ן שליט"א, עס וועט פארקומען די מעמד התחדשות הגערטל און בקשת רחמים, נאכגעפאלגט מיט די יארצייט טיש אינעם גרויסן שאטער, און די מעמד עלי' לציון כחצות הלילה נאכן טיש.
שמחת בית בעלזא - מאקאווא: היינט קומט פאר די שמחת השבע ברכות פון א אייניקל ביי כ"ק אדמו"ר מבעלזא שליט"א, די כלה א טאכטער פון בנו יחידו הגה"צ ר' אהרן מרדכי רוקח שליט"א, איידעם ביי כ"ק הגה"צ גאב"ד מאקאווא שליט"א, מיט די חתן א זון פון הרה"ג ר' אהרן פענסטער שליט"א ר"ם בישיבת בעלזא אין בני ברק. – די שמחת השבע ברכות קומט פאר אין היכל ישיבת מאקאווא אין קרית אתא.
שמחת בית פאפא: היינט קומט פאר די שמחת השבע ברכות פון א אייניקל ביי כ"ק אדמו"ר מפאפא שליט"א, די חתן א זון פון בנו הגדול הגה"צ ר' מאיר גרינוואלד שליט"א דומ"ץ פאפא, איידעם ביי הגה"צ ר' לייבוש טויב זצ"ל מקאלוב. מיט די כלה א טאכטער פון הגה"צ ר' לייבוש טייטלבוים זצ"ל הי"ד, זון פון הגה"צ אבד"ק וואלאווע שליט"א, און איידעם ביי כ"ק אדמו"ר מתולדות אברהם יצחק שליט"א. – די שמחת השבע ברכות קומט פאר דורך די תלמידי הישיבות דחסידי פאפא.
היינט קומט פאר די שמחת הבר מצוה פון א אייניקל ביי כ"ק אדמו"ר משענדישוב שליט"א, א זון פון זיין זון הרב דוד משה הורוויץ שליט"א, איידעם ביי כ"ק אדמו"ר משומרי אמונים שליט"א פון ירושלים, איידעם ביי כ"ק אדמו"ר מהאלמין שליט"א. – די שמחה קומט פאר אין לינדען ניו דזשערזי.
עס איז געשלאסן געווארן די שידוך פונעם חתן א זון פון הגה"צ ר' אלטר יצחק ראבינאוויטש שליט"א, זון פון כ"ק אדמו"ר מביאלא פשיסחא שליט"א פון אשדוד, און איידעם ביי הגה"צ ר' אברהם יעקב איצקאוויטש שליט"א אבד"ק שבט הלוי ירושלים, מיט די כלה א טאכטער פון הגה"צ ר' יעקב בער שפיטץ שליט"א, זון פון כ"ק אדמו"ר מסערט וויזניץ ארה"ב שליט"א, און איידעם ביי כ"ק אדמו"ר מנייטרא שליט"א.
שמחת בית היבנוב: עס איז געשלאסן געווארן די שידוך פון א אייניקל ביי כ"ק אדמו"ר מהיבנוב שליט"א, די חתן א זון פון זיין זון הגה"צ ר' יוזפא פריעדלענדער שליט"א, מיט די כלה א טאכטער פון הרב חיים פיהרער שליט"א פון טאראנטא.
עס איז געשלאסן געווארן די שידוך פונעם חתן א זון פון הגה"צ ר' יחיאל יהושע ראבינאוויטש שליט"א אבד"ק שפיקוב אנטווערפן, זון פון כ"ק אדמו"ר מביאלא רמת אהרן שליט"א, און איידעם ביי הגה"צ ר' ישעי' שלאמאוויטש שליט"א מח"ס אבני שוהם, מיט די כלה א טאכטער פון הרב יוסף אלי' רייזמאן שליט"א, איידעם ביי הגה"צ ר' אהרן שיף שליט"א גאב"ד אנטווערפן.
כ"ק אדמו"ר מסערדאהעלי שליט"א וועט היינט פארנאכטס אפרעכטן די יארצייט טיש לרגל די הילולא קדישא פון זקינו הגה"ק רבי אשר אנשיל כ"ץ זצ"ל אבד"ק סערדאהעלי, אין ביהמ"ד סערדאהעלי אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
