כ"ק אדמו"ר מטאהש שליט"א וועלכער איז אנגעקומען אויף א קורצע מסע הקודש קיין טאהש אונגארן אינאיינעם מיט פילע חסידים, לרגל די יומא דהילולא קדישא פון זקינו הרה"ק רבי משולם פייש השרף מטאהש זי"ע וואס געפאלט היינט כ"ח סיון, וועט היינט דורכ'ן טאג פארזעצן די נסיעה קיין פוילין, און פוקד זיין דעם ציון הק' פונעם הייליגן רבי'ן רבי אלימלך זי"ע אין ליזענסק. שפעטער ביינאכט וועט מען זיך ארויסלאזן אויפן וועג צוריק אהיים קיין אמעריקע.
היינט קומט פאר די מעמד סיום מסכת גיטין והתחלת מסכת ביצה במסגרת הלימוד "שיחתי" דחסידי קאסאן, עס קומט פאר אין די נייע פארברייטערטע בית המדרש קהל עתרת שלום קאסאן אין בארא פארק, אינאיינעם מיט די סעודת הילולא לרגל די הילולא קדישא פון הרה"ק רבי משולם פייש השרף מטאהש זי"ע, אין שפיץ פון כ"ק אדמו"ר מקאסאן שליט"א.
שמחת בית סאטמאר – קאלוב - מאשלוי: עס איז געשלאסן געווארן די שידוך פון א אור אייניקל ביי כ"ק אדמו"ר מסאטמאר שליט"א, די כלה א אייניקל פון בנו הגדול הגה"צ אבד"ק סאטמאר וומס"ב שליט"א, איידעם ביי הגה"צ גאב"ד סאטמאר ב"פ שליט"א, די כלה א טאכטער פון זיין זון הגה"צ ר' חיים הערש טייטלבוים שליט"א, איידעם ביי כ"ק אדמו"ר ממאשלוי שליט"א, איידעם ביי כ"ק אדמו"ר מקאלוב שליט"א, מיט די חתן א זון פון הגה"צ ר' חיים צבי ראטטענבערג שליט"א אבד"ק פינטשוב, זון פון כ"ק אדמו"ר מוואוידיסלאוו זצ"ל, און איידעם ביי הגה"צ ר' וואלף אנטפאנג שליט"א, איידעם ביי כ"ק אדמו"ר מדאמבראווא זצ"ל. - די שמחת התנאים קומט פאר היינט אויפדערנאכט אין ביהמ"ד הגדול סאטמאר אויף הופפער סטריט אין וויליאמסבורג.
שמחת בית בעלזא: היינט קומט פאר די לעצטע שמחת השבע ברכות פון א אייניקל ביי כ"ק אדמו"ר מבעלזא שליט"א, די כלה א טאכטער פון בנו יחידו הגה"צ ר' אהרן מרדכי רוקח שליט"א, איידעם ביי כ"ק הגה"צ גאב"ד מאקאווא שליט"א, מיט די חתן א זון פון הרה"ג ר' אהרן פענסטער שליט"א ר"ם בישיבת בעלזא אין בני ברק. – די שמחת השבע ברכות קומט פאר אין אין די גרויסע שטוב אין קרית בעלזא ירושלים, געאייגענט ספעציעל פאר די טויזענטער תלמידי הישיבות דחסידי בעלזא בארץ הקודש.
שמחת בית פאפא: היינט קומט פאר די שמחת השבע ברכות פון א אייניקל ביי כ"ק אדמו"ר מפאפא שליט"א, די חתן א זון פון בנו הגדול הגה"צ ר' מאיר גרינוואלד שליט"א דומ"ץ פאפא, איידעם ביי הגה"צ ר' לייבוש טויב זצ"ל מקאלוב. מיט די כלה א טאכטער פון הגה"צ ר' לייבוש טייטלבוים זצ"ל הי"ד, זון פון הגה"צ אבד"ק וואלאווע שליט"א, און איידעם ביי כ"ק אדמו"ר מתולדות אברהם יצחק שליט"א. – די שמחת השבע ברכות קומט פאר אויף א ספעציעלע פארנעם געאייגענט פאר די נגידים און תומכים פון מוסדות פאפא.
היינט קומט פאר די שמחת השבע ברכות פונעם חתן א זון פון הרה"ג ר' יודא לייבוש פראנד שליט"א רב דקהל כתר תורה ראדאמסק אין בארא פארק, זון פון הרב דוד פראנד שליט"א מלפנים ראה"ק פון התאחדות קהילות החרדים אין לאנדאן, מיט די כלה א טאכטער פון הרה"ג ר' שמשון ווייס שליט"א. – די שמחת השבע ברכות קומט פאר אין די אמביענס זאל אויף די פערצנטע עוועניו אין בארא פארק, צוגעשטעלט דורך קהל חסידי ראדאמסק.
עס איז געשלאסן געווארן די שידוך פונעם חתן א זון פון הגה"צ ר' נתן זעגלבוים שליט"א אדמו"ר מוויען ב"פ, איידעם ביי הגה"צ אבד"ק סוליצא וומס"ב זצ"ל, מיט די כלה א טאכטער פון הגה"צ ר' יואל טויב שליט"א, זון פון הגה"צ ר' ישראל שלום טויב שליט"א אבד"ק באלטימאר, און איידעם ביי הגה"צ ר' משה אלי' היימליך שליט"א מוועגשייד.
היינט קומט פאר די שמחת הברית פון א אור אייניקל ביי כ"ק אדמו"ר מסאטמאר שליט"א, אייניקל פון זיין איידעם הגה"צ ר' העניך אשכנזי שליט"א רב ביהמ"ד אבני צדק אין קרית יואל, בן הנולד ביי זיין איידעם הרב משולם זושא ראזענבוים שליט"א, זון פון הגה"צ ר' מאיר איתמר ראזענבוים שליט"א, זון פון כ"ק אדמו"ר מקרעטשניף שליט"א פון י"ם, און איידעם ביי הגה"צ גאב"ד אודווארי שליט"א. – די שמחה קומט פאר אינעם בנין פון מבצר הכוללים אין קרית יואל.
היינט קומט פאר די שמחת הברית פון א אייניקל ביי כ"ק אדמו"ר מטאהש שליט"א, בן הנולד ביי זיין זון הרב משה סג"ל לאווי שליט"א, איידעם ביי הגה"צ ר' יחזקאל שרגא הורוויץ שליט"א דומ"ץ ספינקא, זון פון כ"ק אדמו"ר מתולדות צבי ספינקא שליט"א, און איידעם ביי כ"ק אדמו"ר מבורשטין שליט"א. – די שמחה קומט פאר אין ספינקא בית המדרש אויף פענן סטריט אין וויליאמסבורג.
אריינצושיקן מודעות און נייעס, שיקט אן אימעיל צו NEWS@JDNMAIL.COM
