א הערליכער און הייליגער מעמד 'ואטהר ואתקדש' איז פארגעקומען בהיכל הישיבה גדולה קראלי אין בארא פארק, וואו די בחורי חמד האבן זיך אונטערגענומען פארשידענע קבלות טובות צו שטיין על המשמר קעגן די פגעי הטעכנאלאגיע.
ביים מעמד האט זיך באטייליגט כ"ק אדמו"ר מקראלי שליט"א וואס האט אויפגעטרעטן מיט דברות קודש און ארומגערעדט איבער די געוואלדיגע זמן ווען טייערע עוסקי תורה זענען מוסיף גדרים וסייגים אין די ענינים, און דערנאך אנגעוואונטשן פערזענליך פאר אלע מקבלים.
ווי אויך האט מען געהערט שטארקע דרשות דורכן חשובן מנהל רוחני הרה"ג ר' אלעזר שטיינווארצל שליט"א און הרה"ג המחנך נפלא ר' אלעזר יונה זילבערמאן שליט"א ווי די תלמידי הישיבה זענען שטארק נתעורר געווארן. צום שלוס פונעם מעמד איז פארגעקומען א גאר רייכע פאנעל באופן שאלות ותשובות, ווי די בחורים האבן אנגעפרעגט אלע סארט שאלות אין די נושא, און איז געענטפערט געווארן בהשכל ודעת דורכן חשובן גאסט הרב זילבערמאן שליט"א.
