היינט נאכט ב' דראש חודש תמוז געפאלט די יומא דהילולא קדישא פון הרה"ק דער ערשטער באבובער רב זי"ע, נכדו כ"ק אדמו"ר מבאבוב שליט"א וועט אפרעכטן די יארצייט טיש אין ביהמ"ד הגדול באבוב אין בארא פארק.
כ"ק אדמו"ר מבאבוב 45 שליט"א וועט היינט אויפדערנאכט אפרעכטן שולחנו הטהור לרגל די יומא דהילולא קדישא פון זקינו הרה"ק דער ערשטער באבובער רב זי"ע, אין ביהמ"ד הגדול באבוב 45 אין בארא פארק.
כ"ק אדמו"ר מסקולען שליט"א פון מאנסי וועט היינט אויפדערנאכט אפרעכטן שולחנו הטהור לכבוד ראש חודש, בבית מדרשו אין מאנסי.
כ"ק אדמו"ר מקאסוב שליט"א וועט היינט פארנאכטס אפרעכטן שולחנו הטהור לכבוד ראש חודש, בבית מדרשו אין בארא פארק.
היינט קומט פאר די שמחת החתונה פון א אייניקל ביי כ"ק אדמו"ר מתולדות אברהם יצחק שליט"א, די חתן א זון פון זיין איידעם הגה"צ ר' ישראל אברהם אלטר קרויז שליט"א אב"ד קערעסטיר מאנסי, זון פון הגה"צ גאב"ד אודווארי שליט"א, מיט די כלה א טאכטער פון הרב יחיאל מיכל גרינפעלד שליט"א, אייניקל פון כ"ק אדמו"ר מצאנז סטראפקוב שליט"א. – די שמחת החתונה קומט פאר אין הייטנער זאל אין בארא פארק.
היינט קומט פאר די שמחת הברית פון א אייניקל ביי כ"ק אדמו"ר מוויזניץ שליט"א פון בארא פארק, בן הנולד ביי זיין זון הרב ישראל האגער שליט"א פון בני ברק, איידעם ביי כ"ק אדמו"ר מזידטשויב ב"ב שליט"א. – די שמחה קומט פאר בצל הקודש פון כ"ק אדמו"ר מבעלזא שליט"א אין ירושלים עיה"ק.
היינט קומט פאר די שמחת פדיון הבן פון א אור אייניקל ביי כ"ק אדמו"ר מטשערנאביל שליט"א, עלטסטע אייניקל פון זיין זון הגה"צ ר' משה יהושע טווערסקי שליט"א, איידעם ביי הגה"צ גאב"ד סאטמאר ב"פ שליט"א, בן הנולד ביי זיין זון הרב גדלי' יעקב לייב טווערסקי שליט"א, איידעם ביי הגה"צ ר' דוד טווערסקי שליט"א אדמו"ר מסקווירא פלעטבוש, איידעם ביי הגה"צ ר' דוד משה טווערסקי שליט"א מטריסק לאנדאן. – די שמחה קומט פאר אין זאל בית אסתר אין בארא פארק.
עס איז געשלאסן געווארן די שידוך פון א אייניקל ביי כ"ק אדמו"ר מקאשוי שליט"א, די חתן א זון פון זיין זון הגה"צ ר' יואל בלום שליט"א אב"ד ברכת שמים קאשוי מאנסי, איידעם ביי הגה"צ ר' יהודה כ"ץ שליט"א אבד"ק ויצב אברהם מעלבארן, מיט די כלה א טאכטער פון הגה"צ ר' אשר מאנן שליט"א דומ"ץ סאטמאר מוירטל.
אריינצושיקן מודעות און נייעס, שיקט אן אימעיל צו NEWS@JDNMAIL.COM
