שמחת בית טשערנאביל – ספינקא: היינט קומט פאר די שמחת החתונה פון א אייניקל ביי כ"ק אדמו"ר מטשערנאביל שליט"א, די חתן א זון פון זיין איידעם הגה"צ ר' יעקב בער אשכנזי שליט"א אדמו"ר מסטאניסלאוו אלעסק, מיט די כלה א טאכטער פון הגה"צ ר' מרדכי כהנא שליט"א, זון פון כ"ק אדמו"ר מספינקא ב"ב שליט"א, און איידעם ביי כ"ק אדמו"ר מנצח מנחם ספינקא שליט"א. – די שמחת החתונה קומט פאר אין ווילחאוויץ זאל אין מאנסי.
שמחת בית טשארנאביל – קאסאן: היינט קומט פאר די שמחת החתונה פונעם חתן א זון פון הגה"צ ר' מנחם מענדיל יהושע לעמבערגער שליט"א, זון פון הגה"צ אבד"ק מאקאווא ב"ב זצ"ל, און איידעם ביי הגה"צ אבד"ק סערדאהעלי ב"ב שליט"א, מיט די כלה א טאכטער פון הגה"צ ר' פנחס ישראל טווערסקי שליט"א, זון פון כ"ק אדמו"ר מטשארנאביל שליט"א, און איידעם ביי כ"ק אדמו"ר מקאסאן הילקרעסט שליט"א. – די שמחת החתונה קומט פאר אין זאל בית מלכה אין אשדוד.
היינט קומט פאר די שמחת החתונה פונעם חתן א זון פון הגה"צ ר' יוסף פאנעט שליט"א, זון פון כ"ק אדמו"ר מדעעש ב"פ שליט"א, און איידעם ביי כ"ק אדמו"ר מטשערקאס שליט"א, מיט די כלה א טאכטער פון הגה"צ ר' בערל ראזענבערגער שליט"א דומ"ץ ביהמ"ד ישמח משה אין קרית יואל, זון פון הגה"צ ר' נתן דוד ראזענבערגער שליט"א אבד"ק גמזו ודומ"ץ התאחדות הרבנים. – די שמחת החתונה קומט פאר אין זאל עטרת מייזעלס אין קרית יואל.
היינט קומט פאר די שמחת החתונה פונעם חתן א זון פון הרב ישראל אהרן לעמבערגער שליט"א, זון פון הגה"צ אבד"ק מאקאווא ירושלים זצ"ל, און איידעם ביי הגה"צ ר' מאיר דוב רעכניצער שליט"א דומ"ץ וראש ישיבת בעלזא חיפה, מיט די כלה א טאכטער פון הרב דוד עמרם מענצער שליט"א ראה"כ בעלזא מאנטריאל. – די שמחת החתונה קומט פאר אין זאל עטרת טשארנא אין מאנסי.
כ"ק אדמו"ר מדאראג שליט"א לאזט זיך היינט ארויס אויף א מסע הקודש קיין אונגארן, אינאיינעם מיט די נגידי ותומכי המוסדות.
כ"ק אדמו"ר מלוצק שליט"א וועלכער איז נעכטן אנגעקומען אויף א בליץ באזוך קיין ציריך שווייץ, וועט היינט ארויספארן אויפן וועג קיין ניו יארק וואו דער רבי וועט וויילן ביז איבער שבת בקרב חסידיו.
היינט קומט פאר די מעמד סיום מסכת ברכות והתחלת סדר מועד במסגרת הלימוד מאמר מרדכי דחסידי וויזניץ, אין ביהמ"ד הגדול וויזניץ אין ירושלים, אין שפיץ פון כ"ק אדמו"ר מוויזניץ שליט"א פון בית שמש. כ"ק אדמו"ר מוויזניץ שליט"א פון ירושלים וועט משמיע זיין דברות קודש דורך א לייוו הוקאפ.
אריינצושיקן מודעות און נייעס, שיקט אן אימעיל צו NEWS@JDNMAIL.COM
