היינט קומט פאר די גרויסארטיגע מעמד סיום מסכת ברכות והתחלת סדר מועד במסגרת הלימוד מאמר מרדכי דחסידי וויזניץ, אין די זאל עטרת ווערטהיימער אין די נייע פראכטפולע המספיק רעזארט אין די קעטסקילס, אין שפיץ פון כ"ק האחים האדמורי"ם מוויזניץ שליט"א במקהלות אלפי חסידי וויזניץ.
היינט קומט פאר די מעמד ועידת הנאמנים לטובת קרן הצלה דחסידי צאנז, אינעם גרויסן זאל היכל ראזענבערג אין קרית צאנז נתני', אין שפיץ פון כ"ק אדמו"ר מצאנז שליט"א.
שמחת בית סאטמאר: היינט קומט פאר די שמחת התנאים פון א אייניקל ביי כ"ק אדמו"ר מסאטמאר שליט"א, די חתן א זון פון זיין איידעם הגה"צ ר' יצחק ראזענבערגער שליט"א דומ"ץ ביהמ"ד סאטמאר ליע גארדענס, זון פון הגה"צ ר' יהושע ראזענבערגער שליט"א גאב"ד הרמ"א בית שמש וחבר ביד"ץ העדה החרדית, מיט די כלה א טאכטער פון הגה"צ ר' נפתלי מייזליש שליט"א, זון פון הגה"צ אבד"ק אוהעל מאנסי שליט"א, און איידעם ביי כ"ק אדמו"ר משאץ זצ"ל. – די שמחה קומט פאר אין די סאטמארע ישיבה קעמפ אויף פרעד ראוד אין סאוט פאלסבורג.
כ"ק אדמו"ר מתולדות אהרן שליט"א לאזט זיך היינט ארויס אויפן וועג קיין אונגארן, וואו דער רבי וועט זיך אויפהאלטן די קומענדיגע זוממער וואכן אויף אפרוה אינעם שטעטל טליא.
כ"ק אדמו"ר מדאראג שליט"א וועלכער האט געוויילט אויף שבת אין שטאט קערעסטיר אין אונגארן אינאיינעם מיט די נגידי ותומכי המוסדות, וועט היינט ארויספארן קיין שווייץ וואו דער רבי וועט וויילן די קומענדיגע צוויי וואכן אויף אפרוה.
לרגל די יומא דהילולא קדישא פון כ"ק אדמו"ר הגה"ק בעל שפע חיים מצאנז קלויזענבורג זי"ע וואס איז אויסגעפאלן דעם שבת קודש, וועט בנו הגדול כ"ק אדמו"ר מצאנז שליט"א ארויפגיין היינט צום ציון הק' אויפן בית החיים ותיקין אין נתני'.
אריינצושיקן מודעות און נייעס, שיקט אן אימעיל צו NEWS@JDNMAIL.COM
