שמחת בית קארלין סטאלין: היינט קומט פאר די שמחת החתונה פון א אייניקל ביי כ"ק אדמו"ר מקארלין סטאלין שליט"א, די כלה א טאכטער פון זיין איידעם הגה"צ ר' אשר אנשיל אייכענשטיין שליט"א, זון פון כ"ק אדמו"ר מטריסק שליט"א פון ירושלים, מיט די חתן א זון פון הרב נחום שלאף שליט"א, זון פון הגה"צ ר' יחזקאל שלאף שליט"א אבד"ק ביאלאווא לאנדאן, און איידעם ביי הגה"צ ר' לייבוש ראבינאוויטש שליט"א רב דקהל שערי מרדכי מאנטשעסטער, זון פון כ"ק אדמו"ר מביאלא זצ"ל בעל מבשר טוב. – די שמחת החתונה קומט פאר אין זאל די סיטי אין מעלה אדומים נעבן ירושלים עיה"ק.
היינט קומט פאר די שמחת החתונה פון א אייניקל ביי כ"ק אדמו"ר מסטריקוב שליט"א, די חתן א זון פון זיין איידעם הרב פנחס דוד ברייש שליט"א, זון פון הגה"צ ר' חיים ברייש זצ"ל ראש ישיבת מתיבתא לאנדאן, מיט די כלה א טאכטער פון הרב יהושע אלעזר ווייס שליט"א, זון פון הגה"צ ר' פנחס ווייס שליט"א אב"ד טשערנאביל מאנטשעסטער, און איידעם ביי הגה"צ ר' בנציון בלום שליט"א דומ"ץ באבוב לאנדאן, אור אייניקל פון כ"ק אדמו"ר מהארנסטייפל מילוואקי שליט"א. – די שמחת החתונה קומט פאר אין זאל יסודי התורה אין לאנדאן.
שמחת בית סלונים: היינט קומט פאר די שמחת התנאים פון א אייניקל ביי כ"ק אדמו"ר מסלונים שליט"א, די חתן א זון פון זיין זון הגה"צ ר' יעקב שמשון ברזובסקי שליט"א, איידעם ביי הגה"צ ר' צבי אלימלך קארנרייך זצ"ל, מיט די כלה א טאכטער פון הרב משה יהודה וואלדמאן שליט"א משגיח ישיבת סלונים אין ביתר. – די שמחה קומט פאר אין ביהמ"ד הגדול סלונים אין ירושלים.
שמחת בית קאשוי: היינט קומט פאר די שמחת התנאים פון א אייניקל ביי כ"ק אדמו"ר מקאשוי שליט"א, די חתן א זון פון זיין זון הגה"צ ר' יואל בלום שליט"א אב"ד ברכת שמים קאשוי מאנסי, איידעם ביי הגה"צ ר' יהודה כ"ץ שליט"א אבד"ק ויצב אברהם מעלבארן, מיט די כלה א טאכטער פון הגה"צ ר' אשר מאנן שליט"א דומ"ץ סאטמאר מוירטל. – די שמחה קומט פאר אין זאל נזר יהודה אין וויליאמסבורג.
שמחת בית טשערנאביל: היינט קומט פאר די שמחת השבע ברכות פון א אייניקל ביי כ"ק אדמו"ר מטשערנאביל שליט"א, די חתן א זון פון זיין איידעם הגה"צ ר' יעקב בער אשכנזי שליט"א אדמו"ר מסטאניסלאוו אלעסק, מיט די כלה א טאכטער פון הגה"צ ר' מרדכי כהנא שליט"א, זון פון כ"ק אדמו"ר מספינקא ב"ב שליט"א, און איידעם ביי כ"ק אדמו"ר מנצח מנחם ספינקא שליט"א. – די שמחת השבע ברכות קומט פאר אין טשערנאבילער בית המדרש אין בארא פארק.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול אין קרית וויזניץ בני ברק, לע"נ האברך החשוב ר' ישראל נח וויזל ע"ה.
היינט קומט פאר די מעמד הכנסת ספר תורה וואס ווערט אריינגעגעבן צום לעלובער בית המדרש אויף רוב עזרא אין די רמה ד' געגנט אין בית שמש, נדבת משפחת בערנשטיין שיחי', אין שפיץ פון כ"ק אדמו"ר מלעלוב שליט"א.
היינט נאכט י"ג תמוז געפאלט די יומא דהילולא קדישא פון הרה"ק רבי דוד מראחמיסטריווקא זי"ע, נכדו כ"ק אדמו"ר מראחמיסטריווקא שליט"א וועט אפרעכטן די יארצייט טיש היינט אויפדערנאכט אין מחנה אהל יצחק ראחמיסטריווקא אין גרינפיעלד פארק, נכדו כ"ק אדמו"ר מראחמיסטריווקא שליט"א פון וומס"ב וועט אפרעכטן די יארצייט טיש בבית מדרשו אין וויליאמסבורג. נכדו כ"ק אדמו"ר מראחמיסטריווקא שליט"א פון ספרינג וואלי וועט אפרעכטן די יארצייט טיש בבית מדרשו אין מאנסי.
היינט י"ב תמוז געפאלט די יומא דהילולא קדישא פון כ"ק אדמו"ר מדעעש ירושלים זצ"ל, די קינדער כ"ק אדמו"ר מדעעש ירושלים און די ברידער הרבנים שליט"א וועלן ארויפגיין צום ציון הק' אויפן הר הזיתים, און שפעטער פארנאכטס וועט פארקומען די יארצייט טיש אין דעעשער בית המדרש אין רמות.
אריינצושיקן מודעות און נייעס, שיקט אן אימעיל צו NEWS@JDNMAIL.COM
