א שוידערליכע עקסידענט האט פאסירט נעכטן ביינאכט אין פלעטבוש, ווען א עלטערער איד איז געווען אויפן וועג אהיים פון שוהל נאכן דאווענען מעריב, גייענדיג אריבער די גאס האט א שנעל פארנדע קאר אים אראפגעקלאפט, פון וואס ער איז ל"ע נפטר געווארן פון די שווערע וואונדן רח"ל.
דער איד הרב בערל ברוידא ע"ה, איין און זיבעציג יאר אלט, איז געווען פון די חשובע אידן אין פלעטבוש, וועלכער האט געדאווענט מעריב ווי געווענליך אין זיין בית המדרש. דערנאך איז ער ארויסגעגאנגען פון שוהל שפאצירנדיג אויפן וועג אהיים, זייענדיג אויף עוועניו איי ביי איסט פיפט סטריט, האט א קאר וואס איז געפארן זייער שנעל אים אראפגעקלאפט און קריטיש פארוואונדעט, טראץ די פרואוון פון חברה הצלה וואס האבן אים אפגעפירט צו די מאימאנידיס שפיטאל מיטן האפענונג צו ראטעווען זיין לעבן, איז ער ליידער נפטר געווארן פון די שווערע וואונדן ה"י.
די לוויה קומט פאר היינט דינסטאג אין פלעטבוש.
