שמחת בית וויזניץ – קאלאשיץ: היינט קומט פאר די שמחת התנאים פונעם חתן א זון פון הגה"צ ר' יעקב יוסף טווערסקי שליט"א, זון פון כ"ק אדמו"ר מסקווירא שליט"א, און איידעם ביי כ"ק אדמו"ר מקאלאשיץ שליט"א, מיט די כלה א טאכטער פון הגה"צ ר' ישראל האגער שליט"א, זון פון כ"ק הגה"צ בעל אור שלום מוויזניץ זצ"ל, און איידעם ביי כ"ק הגה"צ גאב"ד פאלטישאן זצ"ל. – די שמחה קומט פאר אין ביהמ"ד הגדול אין קרית וויזניץ קייאמישע לעיק.
עס איז געשלאסן געווארן די שידוך פונעם חתן א זון פון הגה"צ ר' ישראל צבי לעמבערגער שליט"א, זון פון הגה"צ אבד"ק מאקאווא אשדוד שליט"א, און איידעם ביי הגה"צ אבד"ק סערט וויזניץ ירושלים שליט"א, מיט די כלה א טאכטער פון הגה"צ ר' מאיר יהוסף ראטטענבערג שליט"א, זון פון כ"ק אדמו"ר מקאסאן לאנדאן שליט"א, און איידעם ביי כ"ק אדמו"ר מסטראזניץ לאנדאן שליט"א.
היינט קומט פאר די שמחת החתונה פונעם חתן א זון פון הגה"צ ר' שמעון כ"ץ שליט"א דומ"ץ סאטמאר מאנסי, איידעם ביי הגה"צ אבד"ק לאנדסבערג שליט"א, מיט די כלה א טאכטער פון הגה"צ ר' יוסף משה כ"ץ שליט"א, זון פון הגה"צ גאב"ד שיכון קרית יואל סאטמאר ב"ב זצ"ל, און איידעם ביי הגה"צ ר' ישראל דוב מרדכי ווארפמאן שליט"א דומ"ץ מאנטשעסטער. – די שמחת החתונה קומט פאר אין זאל פרדס וויזניץ אין לאנדאן.
היינט קומט פאר די שמחת החתונה פונעם חתן א זון פון הרב משה ביכלער שליט"א, מיט די כלה א טאכטער פון הגה"צ ר' ברוך צבי רוטנער שליט"א אדמו"ר מספינקא בית שמש, זון פון הגה"צ ר' אהרן מרדכי רוטנער זצ"ל, און איידעם ביי כ"ק אדמו"ר מדאמבראווא מאנסי שליט"א. – די שמחת החתונה קומט פאר אין זאל היכלי מלכות אין בני ברק, אין שפיץ פונעם פעטער כ"ק אדמו"ר מבית יצחק ספינקא שליט"א וועלכער איז ספעציעל אנגעקומען צוגאסט קיין ארץ ישראל לכבוד די שמחה.
היינט נאכט ט"ו תמוז געפאלט די יומא דהילולא קדישא פון הרה"ק רבי דוד משה מקרעטשניף זי"ע, בנו הגדול ממלא מקומו כ"ק אדמו"ר מקרעטשניף שליט"א וועט אפרעכטן די יארצייט טיש היינט אויפדערנאכט אין ביהמ"ד הגדול אין קרית קרעטשניף רחובות, בנו כ"ק אדמו"ר מפרימישלאן שליט"א וועט אפרעכטן די יארצייט טיש היינט אויפדערנאכט בבית מדרשו אין בני ברק, די אייניקלעך האדמורי"ם וועלן אפרעכטן די יארצייט טישן אין די בתי מדרשים, פילע אידן וועלן ארויפגיין צום ציון הק' אויפן בית החיים אין רחובות.
לרגל די יומא דהילולא קדישא פון כ"ק אדמו"ר הרה"ק רבי אברהם יהושע העשיל מקאפיטשניץ זי"ע וואס געפאלט דעם שבת קודש ט"ז תמוז, וועט נכדו כ"ק אדמו"ר מקאפיטשניץ שליט"א ארויפגיין צום ציון הק' היינט נאכמיטאג אויפן אלטן בית החיים אין טבריה.
היינט נאכט ט"ו תמוז געפאלט די יומא דהילולא קדישא פונעם הייליגן אור החיים הקדוש זי"ע, טויזענטער אידן וועלן פוקד זיין דעם ציון הק' אויפן הר הזיתים אין ירושלים עיה"ק. פילע אדמורי"ם ורבנים וועלן אפרעכטן די יארצייט טישן ברוב עם.
כ"ק אדמו"ר מטאהש שליט"א וועט לכבוד די הילולא קדישא ארויפגיין צום ציון הק' פון אביו הרה"ק מטאהש זי"ע אויסצוזאגן גאנץ ספר תהלים, און שפעטער אויפדערנאכט אפרעכטן די יארצייט טיש אין ביהמ"ד הגדול אין קרית טאהש קאנאדע.
אריינצושיקן מודעות און נייעס, שיקט אן אימעיל צו NEWS@JDNMAIL.COM
