היינט נאכט כ' תמוז געפאלט די צענטע הילולא קדישא פון כ"ק אדמו"ר מסערט וויזניץ זצ"ל בעל חכמת אליעזר, בנו ממלא מקומו כ"ק אדמו"ר מסערט וויזניץ שליט"א וועט אפרעכטן די יארצייט טיש און סיום הש"ס אין ביהמ"ד הגדול אין רמת וויזניץ חיפה.
חתנו כ"ק אדמו"ר מקוסוב וויזניץ שליט"א וועט אפרעכטן די יארצייט טיש היינט נאכט בבית מדרשו אין בית שמש.
אין בארא פארק קומט פאר א יארצייט סעודה אין ביהמ"ד מקור ברוך סערט וויזניץ, אין שפיץ פון כ"ק אדמו"ר מקאסוב שליט"א, וועלכער איז אן איידעם ביי כ"ק אדמו"ר מסערט וויזניץ שליט"א.
היינט קומט פאר א מעמד קבלת פנים לכבודו פון כ"ק אדמו"ר מפאפא שליט"א, וועלכער קומט אן אויף די יערליכע באזוך אין מחנה קהלת יעקב פאפא אין סוואן לעיק, די מעמד קומט פאר אינעם גרויסן בית המדרש אין קעמפ.
היינט קומט פאר א ספעציעלע אסיפה אין ק"ק אלכסנדר אין בני ברק, ארויסצוהעלפן די אינגעלייט מיט אייגענע דירות מיט הרחבת הדעת, די מעמד קומט פאר אינעם עזרת נשים אין אלכסנדר בית המדרש אויף רחוב אחיעזר, אין שפיץ פון כ"ק אדמו"ר מאלכסנדר שליט"א.
היינט קומט פאר פרישע מחאות אדירות אויפן שטח בית החיים אין יהוד, וואו עס קומט ליידער פאר חיטוטי שכבי רח"ל, די מחאות היינט וועט פארקומען אין שפיץ פון כ"ק האדמורי"ם מנדבורנא, מאחנובקא בעלזא, שבט הלוי, און זוועהיל שליט"א.
היינט קומט פאר די שמחת הבר מצוה פון א זון ביי הגה"צ ר' יהושע קאהן שליט"א, זון פון הגה"צ ר' משה קאהן שליט"א ראש ישיבת תולדות אהרן, און איידעם ביי כ"ק אדמו"ר מראחוב שליט"א. – די שמחה קומט פאר אין פארהאנד זאל בית יעקב הישן אין ירושלים.
היינט קומט פאר די שמחת הברית פון א אור אייניקל ביי כ"ק אדמו"ר מנדבורנא באניא שליט"א, אייניקל פון זיין זון הגה"צ ר' יצחק דוד לייפער שליט"א ר"ם בישיבה טל תורה בני ברק, איידעם ביי הגה"צ אבד"ק ערלוי אלעד שליט"א, בן הנולד ביי זיין זון הרב טובי' גדלי' לייפער שליט"א, איידעם ביי הגה"צ ר' יצחק שמואל שווארץ שליט"א רב ביהמ"ד חיסדא אין בני ברק. – די שמחה קומט פאר אין ביהמ"ד חיסדא אויף רחוב דעסלער אין בני ברק.
כ"ק אדמו"ר מוויזניץ שליט"א פון מאנטריאל וועלכער האט געוויילט די לעצטע צוויי וואכן אין ניו יארק, קערט זיך היינט צוריק למעון קדשו אין מאנטריאל.
כ"ק אדמו"ר מביאלא שליט"א קומט היינט אן צום שטאט קאנוועי אין איטאליע, וואו דער רבי וועט וויילן די קומענדיגע וואך אויף אפרוה.
כ"ק אדמו"ר מסאדיגורא שליט"א לאזט זיך היינט ארויס אויף א נסיעה קיין חוץ לארץ, צוערשט קיין אנטווערפן בבית חותנו הגה"צ אב"ד אהל יעקב שליט"א, און דערנאך קיין איטאליע וואו דער רבי וועט זיך אויפהאלטן עטליכע וואכן אויף אפרוה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
